❗ ပျားဖွတ် ❗ သားတိုး ❗ မယားခိုး ❗ နွားသိုးတူရိုက် ❗ တောမီးတိုက် ❗ မုဆိုး ၊ တံငါ ပါယ်လေးရွာ အခုပြောတဲ့ ပျားဖွတ်၊ သားတိုး၊ မယားခိုး စတာတွေဟာ ပဉ္စာနန္တရိယ အကုသိုလ်ကံပြီးရင် ကြီးလေးတဲ့အကုသိုလ်အလုပ်တွေလို့ ပြောလို့ရပါတယ်။ 💥 (ပျားဖွတ်) လောကမှာ ကြောက်စရာအကောင်းဆုံးဓားပြဆိုတာ ပျားဖွတ်တဲ့သူတွေပါပဲ... ပျားကလေးတွေ သမ္မာအာဇီဝနဲ့ ရှာဖွေစုဆောင်းထားတဲ့ သူတို့ရဲ့ပျားရည်တွေကို အတင်းအဓမ္မ ဓားပြတိုက်ယူတယ်။ ဖယ်မပေးရင် ပျားတွေကို မီးရှို့သတ်တယ်။ သူ့တို့ရင်သွေး နုနုလေးတွေကို ဆုံထဲထည့်ထောင်း သတ်စားကြတယ်။ ဒီထက်ဆိုးတဲ့ဓားပြ လောကမှာ မရှိနိုင်ပါဘူး။ 💥 (သားတိုး) ကတော့ ကိုယ်မွေးထားတဲ့ နွား၊ ဝက်၊ ဆိတ် စတာတွေကို တစိမ့်စိမ့်ကြည့်ပြီး ဒီကောင်ဆိုရင် အချိန်ဘယ်လောက်ရှိနေပြီ၊ ဘယ်တော့လောက်ဆို ရောင်းလို့ရပြီ၊ ပေါ်လို့ရပြီနဲ့ တရိပ်ရိပ် အကုသိုလ် တက်နေတာမျိုးပါ။ 💥 (မယားခိုးလင်ခိုး) တာကတော့ ပြောစရာလိုမယ်မထင်ပါ။ ကာမပိုင်ရှိနေရက်နဲ့ ပစ်မှားတာလေ။ ပျော်ရတာခဏ၊ ခံရမှာက အနှစ်ပေါင်းသိန်းသန်း မကပဲနော်။ 💥 (နွားသိုးတူရိုက်) (နွားဝှေးထု)ဆိုတာလည်း ကိုယ့်ဝှေးစေ့ကိုယ် လက်ညိုး လက်မလေးနဲ့ညှစ်တာ မျက်ရည်စိမ်းထွက်ရင် သူများဥ အကုန်ကြေအောင် ပေါင်တူနဲ့ ထုရိုက်ချေတာမို့ မတွေးဝံ့စရာ အကုသိုလ်ပါ။ 💥 (တောမီးတိုက်) ဆိုတာကတော့ အသက်ပေါင်းများစွာ သေရတာမို့ တောမီးတစ်ချက် မုဆိုးတစ်သက်လို့တောင် ဆိုကြပါတယ်။ 💥 (မုဆိုးတံငါ) ဆိုတာကတော့.. သိတဲ့အတိုင်းပဲ အခွင့်သင့်တိုင်း သတ္တဝါတွေကို သတ်ပြီး ရောင်းချ စားသောက်နေကြတာဆိုတော့ သာမန်လူထက် အကုသိုလ်များပါတယ်။ သေရင် သေချာပေါက်နီးပါး အပါယ်ရောက်ရနိုင်တယ်။ အချိန်အဓိကပေါ့။ 📌 ဒါပေမယ့် ကိုယ်ကတစ်သက်လုံး တံငါလုပ်နေပေမယ့် အချိန်တိုင်း အကုသိုလ်လုပ်နေတာမဟုတ်ဘူးပေါ့။ ကုသိုလ်လုပ်ချိန်လည်း ရှိတာပေါ့နော်။ ကုသိုလ်ကိုသတိရပြီး သေရင်လောလောဆယ်တော့ နတ်ပြည်ရောက်မယ်။ နောက်ဘဝတွေ နောက်ဘဝတွေမှာတော့ အကုသိုလ်အကျိုး မဖြစ်မနေခံစားရမှာပါ။ 📌 ပုထုဇဉ်လူသားတွေဟာ အကုသိုလ်နဲ့ မကင်းတော့ အကုသိုလ်မှန်းသိပြီဆိုတာနဲ့ အကုသိုလ်ကို မလုပ်တော့ဘူးဆိုရင် အကုသိုလ်အကျိုးပေးကို ပြင်းပြင်းထန်ထန်ကြီး မခံရဘူးပေါ့။ 📌 အကုသိုလ်ကတောင် လွတ်အောင်လုပ်လို့ရတဲ့နည်းတွေလည်း ရှိပေတာမို့ တတ်နိုင်သမျှ အကုသိုလ်အလုပ်တွေနဲ့ အသက် မွေးဝမ်းကျောင်း ပြုရခြင်းမှ လွတ်ကင်းအောင် ကြိုးစားကြပါ။ #Credit ..M..Thome - @mote.thome0