जिन्दगीमा धेरै कुरा सहनु, सम्झौता गर्नु र चुप लागेर बस्नु मात्र सहनशीलता होइन। हरेक व्यक्तिको सहने क्षमता र सीमाना हुन्छ, र ती सीमाको सम्मान हुनु आवश्यक छ। मैले तपाईंलाई आफ्ना बुवा–आमाजस्तै सम्मान र विश्वास दिएको थिएँ। त्यसैले तपाईंको व्यवहारबाट पुगेको चोट मेरो लागि अझ गहिरो रह्यो। अब म आफ्नो भावनात्मक शान्ति र आत्मसम्मानलाई प्राथमिकता दिन चाहन्छु। त्यसैले अपमानजनक व्यवहार, कठोर शब्द वा असम्मानलाई अब पहिलेझैँ चुपचाप स्वीकार गर्नेछैनँ। म सम्बन्धमा पारस्परिक सम्मान, संवेदनशीलता र मर्यादा चाहन्छु। यी कुराहरू कायम रहन नसकेमा, म आवश्यक दूरी कायम गर्नेछु र आफ्नो सीमारेखा स्पष्ट रूपमा जोगाउनेछु। विशेष गरी मेरो सुत्केरी अवस्थाजस्तो संवेदनशील समयमा भएका व्यवहार र भनिएका कुराहरूले मलाई गहिरो असर पारेका छन्। ती अनुभवहरूलाई म नकार्न सक्दिनँ, तर अब तिनलाई आफ्नो जीवनमा निरन्तर बोकेर हिँड्न पनि चाहन्नँ। म कसैको नराम्रो चाहन्नँ; केवल यति चाहन्छु कि मेरो पीडा र भावनालाई पनि बुझियोस्, र भविष्यमा हामीबीचको व्यवहार सम्मान, समझदारी र जिम्मेवारीमा आधारित “कसैलाई ‘फुटेको अन्डा’ भनेर होच्याउँदैमा उसको जिन्दगीको सत्य बदलिँदैन। आफ्नो घर बिगारिस्, अब दिदीको घर पनि बिगार्न खोज्दैछस् भनेर आरोप लगाउन सजिलो छ, तर कसैको घरभित्रको पीडा, परिस्थिति र वास्तविकता नबुझी फैसला सुनाउने अधिकार कसैलाई छैन। अरूको सम्बन्धमा आगो लगाउने शब्द बोल्नुभन्दा पहिले आफ्नै बोली र संस्कारको ऐना हेर्नुहोस्। कसैको जीवनमा के भयो भनेर उसलाई जीवनभर दोषी बनाइराख्नु न्याय होइन। आज तपाईंहरूले जसलाई होच्याउँदै हुनुहुन्छ, भोलि त्यही शब्द तपाईंले आफ्नै मान्छेको लागि सुन्नुपर्ला। त्यसैले अरूको घर–परिवारको चिन्ता गर्नुभन्दा पहिले आफ्नो घरमा शान्ति र आफ्नो बोलीमा सम्मान राख्न सिक्नुहोस्।”#japanlife #foryoupageシ #viralvideo #fyp #foryou @राधा🦚🫶❤️ @Prabhat Banjara 😭🥺🥺🥺 - @radhikabanjara64