أغنية شليل ما مجرد أغنية راب ولا مجرد كلام بنسمعو ونعدّيه الأغنية بتحكي عن جانب موجع من واقع شباب كتار وعن الضياع البعيشوهو ناس كتار من غير ما الناس تكون حاسة بيهم شليل ذاتها كانت لعبة من ألعاب طفولتنا السودانية وكانت مرتبطة بالضحك واللمة والذكريات الحلوة لكن الأغنية بتاخد الاسم دا وبتحطو قدام واقع مختلف تماماً واقع فيهو شباب كبروا واتغيرت حياتهم واتعرضوا لحاجات خلت بعضهم يدخل في طرق غلط أو يعيش أزمات نفسية وصدمات ما قدر يتجاوزها بسهولة والرسالة الأهم هنا إنو ما كل زول شكله عادي من برة معناتو هو بخير من جوة في ناس بتضحك معاك وبتتكلم معاك لكن شايلة جواها حاجات تقيلة وما لاقية الزول يسمعها عشان كدا يا شباب ما تستهينوا ببعض ما تسخروا من زول واقع أو تايه وما تخلو ضغط الحياة يخليكم تفقدوا نفسكم ومستقبلكم لو صاحبك اتغير عليك فجأة اسألو لو لقيت زول منعزل قرب منو لو زول محتاج مساعدة ما تحكم عليهو من أول نظرة وبرضو ما تخلي المجتمع أو أصحابك يدفعوك لطريق إنت عارف إنو ممكن يضيعك نحن محتاجين نقيف مع بعض أكتر محتاجين نفهم بعض بدل ما نحكم على بعض لأنو مرات كلمة بسيطة من شخص صاح ممكن تكون سبب في إنو زول يرجع يلقى نفسو وطريقو من جديد شليل بتفكرنا إنو الطفولة كانت أبسط لكن مهما كبرنا واتغيرت الدنيا حوالينا لسه ممكن نختار الطريق الصح ونحاول نصلح الحاجات الاتكسرت فينا احفظ نفسك احفظ مستقبلك واختار الناس البتسندك وما بتسحبك للقاع وفي النهاية ما كل زول ضايع اختار الضياع لكن كل زول محتاج فرصة عشان يلقى الطريق الراجع بيهو لنفسو #تصميم_فيديوهات🎶🎤🎬 #ge3do #fyp #أواب#foryou - @ge3d4