@zinboth7: Pattayaမြို့ မိုးသည်းထန်ပြီး ရေကြီးမှု ဘွာခေါင်းဆွိုင် ၁၁ မှာ ကား ၊ ဆိုင်ကယ်နဲ့ အမှိုက်ပုံးတွေပါ ရေစီးနဲ့မျော ထိုင်းနိုင်ငံ ချွန်ဘူရီခရိုင် ပတ္တယားမြို့မှာ စက်တင်ဘာ ၂၄ ရက် မိုးသည်းထန်စွာရွာသွန်းခဲ့တာကြောင့် မြို့တွင်းနေရာအများအပြား ရေကြီးရေလျှံမှု ဖြစ်ပွားခဲ့ပြီး လမ်းမတွေပေါ်မှာ ရေများပြားစွာ စုဝေးခဲ့ပါတယ်။ အထူးသဖြင့် Soi Buakhao 11 အနီးမှာ ရေစီးအလွန်ပြင်းထန်ခဲ့ပြီး ကားတွေအပြင် လူတွေ၊ အမှိုက်ပုံးတွေ၊ ရေခဲထည့်တဲ့ပုံးတွေ၊ အမှိုက်အိတ်တွေအပါအဝင် လမ်းဘေးပစ္စည်းတွေပါ ရေစီးနဲ့အတူ မျောပါသွားခဲ့ပါတယ်။ လမ်းပေါ်ရေတက်နေချိန်မှာ ယာဉ်မောင်းသူတွေအနေနဲ့ အရှိန်လျှော့မောင်းကြဖို့နဲ့ လမ်းပေါ်ရေစီးအခြေအနေကို သတိထားကြဖို့ ဒေသခံတွေက သတိပေးထားပါတယ်။ ရေစီးအားပြင်းတဲ့နေရာတွေမှာ မော်တော်ဆိုင်ကယ်နဲ့ ကားတွေ မောင်းနှင်ရာမှာ အန္တရာယ်ဖြစ်နိုင်တာကြောင့် ရေတက်နေတဲ့လမ်းတွေကို ဖြစ်နိုင်ရင် ရှောင်ရှားဖို့လည်း လိုအပ်ပါတယ်။ ပတ္တယားမြို့မှာ မိုးသည်းထန်စွာရွာသွန်းတဲ့အချိန်တိုင်း မြို့တွင်းရေကြီးရေလျှံမှုတွေ ဖြစ်ပေါ်လေ့ရှိပြီး ယခုတစ်ကြိမ်မှာလည်း Buakhao လမ်းပိုင်းအပါအဝင် နေရာအချို့မှာ ရေကြီးမှု ပြင်းထန်ခဲ့တာဖြစ်ပါတယ်။ မိုးဆက်လက်ရွာသွန်းနိုင်တာကြောင့် ပတ္တယားမြို့အတွင်း နေထိုင်သူတွေနဲ့ အလုပ်သွားအလုပ်ပြန်သူတွေအနေနဲ့ ရေကြီးနေတဲ့လမ်းပိုင်းတွေမှာ ယာဉ်မောင်းနှင်ရာတွင် အထူးသတိထားကြဖို့ လိုအပ်ပါတယ်။ #thailand #pattaya #ရေကြီးနေပြီဗျို့ #သတင်း #ထိုင်းရောက်ရွှေမြန်မာ

💦Žîñ Bô(စိတ် ရွက်လှေ)💥🤏🏻

Open In TikTok:

Region: TH

Thursday 24 September 2026 16:22:45 GMT