@thevilla.somalia: MADAXWEYNE XASAN SHEEKH "LAMA SII AQBALI KARO IN AFRIKA AY MATALAAD LA’AAN KU AHAATO GOLAHA AMMAANKA". New York, Sebteembar, 24, 2026: Madaxweynaha JFS, Mudane @Hassan Sheikh Mohamud ayaa khudbad uu ka jeediyay Fadhiga Guud ee Meertada 81-aad ee Golaha Guud ee Qaramada Midoobay kaga hadlay xaaladda caalamka, isaga oo xusay caqabadaha ka dhashay colaadaha, loollanka juqraafi-siyaasadeed, isbeddelka cimilada iyo hoos u dhaca iskaashiga caalamiga ah. Madaxweynaha ayaa soo bandhigay guulaha iyo horumarka Soomaaliya ay ka sameysay dhinacyada dowlad-dhiska, dimuqraadiyeynta, amniga, dhammeystirka dastuurka, dib u habeynta waxbarashada, kobaca dhaqaalaha iyo hirgalinta doorashooyinka loo dhanyahay. Madaxweynaha ayaa ku baaqay in Qaramada Midoobay dib loogu soo celiyo kalsoonida caalamka, lana xoojiyo nidaamka dhinacyada badan iyo fulinta go’aannada caalamiga ah, isaga oo carabka ku adkeeyay in aan la aqbalikarin in Qaaradda Afrika ay ka maqnaato fadhiyada lagu go'aaminayo masiirka ummadda dunida. Dhanka kale, Madaxweyne Xasan Sheekh ayaa markale xaqiijiyay taageerada Soomaaliya ee xaqa shacabka reer Falastiin u leeyihiin aayo-ka-tashi, dowladnimo iyo nolol ku dhisan nabad iyo amni, isaga oo ku baaqay in la helo xal waara oo caddaalad ah oo ku saleysan laba dowladood, lana dhiso Dowlad Falastiini ah oo madax-bannaan. DHAMMAAD Wixii faahfaahin ah, fadlan kala xiriir; Xafiiska Warfaafinta & Xiriirka Warbaahinta, Madaxtooyada Jamhuuriyadda Federaalka Soomaaliya E-mail: [email protected] Flicker: https://www.flickr.com/photos/vilasomalia/ Facebook: https://www.facebook.com/ Instagram: https://www.instagram.com/villa.somalia VillaSomaliaOfficial/ Twitter: @TheVillaSomalia See less

Villa Somalia

Open In TikTok:

Region: SO

Thursday 24 September 2026 18:03:51 GMT