@yeniera.az: “Gözəl vətəndaşlarımız, gözəl sərnişinlərimiz... Qurban olduğumun ruzisidir, çörəyidir. Niyə belə edirsiniz axı? Bu sürücülər də insandır, bunu düşünün”. Bu sözləri Patrul.az-a müraciətində 114 saylı marşrutun sürücüsü yerə yemək qırıntıları tökən sərnişinlərə reaksiya verərkən deyib. Görüntülərdə oturacaqların altına səpələnmiş qarğıdalı çubuqlarını tək-tək əli ilə yığan sürücünün sözləri ictimai nəqliyyatda təmizliyə və ruziyə hörmətlə yanaşmağın vacibliyini növbəti dəfə gündəmə gətirib. Haqlı narazılığını dilə gətirən sürücü bu cür diqqətsizliyin həm səliqəsizlik yaratdığını, həm də zəhmətə hörmətsizlik olduğunu vurğulayaraq sərnişinləri təmizliyə qarşı daha məsuliyyətli olmağa çağırıb: “Bunu yerdə görmək, inanın ki, insanı dəyərdən salır. Dünyada nə qədər fəlakətlər baş verir. Bunu qazanmaq üçün hamımız əziyyət çəkirik. Buna hörmətlə yanaşmaq lazımdır”. Çox vaxt sürücülərdən giley-lənən sərnişinlər bu dəfə sürücünün haqlı və nümunəvi mövqeyindən nəticə çıxarmalı, ictimai nəqliyyat vasitələrini təmiz saxlamağın hər birimizin mənəvi borcu olduğunu unutmamalıdırlar.

2113

There are no more comments for this video.

To see more videos from user @yeniera.az, please go to the Tikwm homepage.