@mahmuod..allam: أولاً: مفيش مسلم على وجه الأرض يقدر يزايد على أخيه المسلم في درجة حبه لسيدنا النبي صلى الله عليه وسلم، ولا في تقربه لحضرته بالصلاة عليه... وطرق التذكير بالصلاة على سيدنا النبي كثيرة... لكن أنا لي وجهة نظر بكل حيادية وإنصاف: أنا ضد التصرف ده - تمامًا - ومفيش أي حق شرعي أو قانوني يسمح لأي صاحب عقار إنه يعلق هورن ( مكبر صوت ) على بيته ويسمّع الشارع كله أي شيء حتى لو كانت الصلاة على سيدنا محمد... هيرد حد يقول: ما الديجيهات في الأفراح، والميكروفونات في العزاءات، ومكبرات المساجد عالية... أقوله له: الأفراح والعزاءات أمر مؤقت مش دائم.. والمساجد بتشغل في أوقات محددة ومعلومة.. إنما تثبيت الهورن ده وتفعيله باستمرار؛ أمر أنا غير مؤيد له نهائيا... ممكن تذكر الناس بالصلاة على النبي باللافتات.. بذكرك له مع الناس في الشارع.. إنما عمر الذكر ما كان بإزعاج الجار وفرض رأيك ومعتقدك على الناس في الشارع.. ولو شايفها حرية هسألك سؤال: لو لك جار مسيحي جاب هورن زي ده في البلكونة وشغّل عليه ترانيم هتقول دي حريته وحقه؟! #دولة #التلاوات_القرانية_النادرة #شيخ_الأزهر #محمودعلام #الشعب_الصيني_ماله_حل😂😂

Mahmoud Allam

Open In TikTok:

Region: EG

Thursday 24 September 2026 20:27:14 GMT