@pressauzb: Qozog‘istondagi fojia: 12 nafar harbiy dengizga olib ketilgach, halok bo‘ldi 24-sentabr kuni Mang‘istau viloyatida «Xazar Qorg‘oni — 2026» harbiy-dengiz mashg‘ulotlari vaqtida ob-havo keskin yomonlashib, shamol kuchaydi. Kaspiy dengizi sohilida o‘quv-jangovar vazifani bajarayotgan harbiylarni suvga olib ketgan. Jami 19 nafar harbiy dengizga tushib ketgan. So‘nggi rasmiy ma’lumotlarga ko‘ra, 12 nafar harbiy halok bo‘lgan, yana ikki nafari bedarak yo‘qolgan, bir nafari esa shifoxonada. Qozog‘iston Mudofaa vazirligi halok bo‘lgan 12 nafar harbiyning ro‘yxatini e’lon qildi. Ularning qarindoshlari Aqtau shahridagi morg oldiga yig‘ilib, jasadlarni tanib olish va ularni yashash joylariga olib ketilishini kutmoqda. Ijtimoiy tarmoqlarda tarqalgan videoda qarindoshlarga halok bo‘lganlarning familiyalari o‘qib eshittirilgani, shundan so‘ng yaqinlarining faryod va yig‘ilari eshitilgani aks etgan. Ayrim oilalar uchun vaziyat yanada og‘irligicha qolmoqda: ular tasdiqni kutmoqda va o‘g‘illari taqdiri hozircha noma’lum bo‘lgan ikki harbiy orasida bo‘lishi hamda tirik topilishidan umid qilmoqda. Fojia yuzasidan Qozog‘iston Bosh prokuraturasi jinoiy ish qo‘zg‘atdi va hodisa sabablarini o‘rganish uchun hukumat komissiyasi tuzildi. Qozog‘iston prezidenti 25-sentabrni mamlakatda umumxalq motami kuni deb e’lon qildi. Aqtau shahrida ham rejalashtirilgan bayram tadbirlari bekor qilindi.

Pressa – O’zbekiston xabarlari

Open In TikTok:

Region: UZ

Friday 25 September 2026 03:46:17 GMT