🌧️⚠️ ထိုင်းနိုင်ငံ မိုးကြီးရေကြီး သတိပေးချက် ⚠️🌧️ ထိုင်းမိုးလေဝသဌာန (TMD) ၏ ထုတ်ပြန်ချက်အရ စက်တင်ဘာ ၂၄ ရက်မှ ၂၇ ရက်အထိ ထိုင်းနိုင်ငံအတွင်း နေရာအများအပြားတွင် မိုးသည်းထန်နိုင်ပြီး အချို့ဒေသများတွင် မိုးအလွန်သည်းထန်နိုင်ကြောင်း သတိပေးထားပါတယ်။ 🔴 စက်တင်ဘာ ၂၄ ရက် — မိုးအလွန်သည်းထန်နိုင်သည့် ဒေသများ 📍 အရှေ့မြောက်ပိုင်း • နခွန်ရတ်ချစီမာ • ဘူရီရမ် • ဆူရင် 📍 အလယ်ပိုင်း • အန်ထောင်း • အယုဒ္ဓယ • ဆူဖန်ဘူရီ • နခွန်ပထုမ် • စမုတ်ဆာခွန် • ဘန်ကောက်နှင့် အနီးဝန်းကျင် 📍 အရှေ့ပိုင်း • နခွန်နာယော့ • ပရာကျင်ဘူရီ • စကဲဝ် • ချာချွန်းဆောင် • ချွန်ဘူရီ • ရယောင်း • ကျန်ထဘူရီ • ထရတ် ⚠️ အထူးသတိပြုရန် မိုးသည်းထန်ပြီး မိုးရေစုဆောင်းမှုများလာပါက 🌊 ရုတ်တရက်ရေကြီးခြင်း ⛰️ တောင်ကျရေ 🏔️ မြေပြိုခြင်း တို့ ဖြစ်ပေါ်နိုင်ပါတယ်။ ဒါကြောင့် ရေလမ်းကြောင်းအနီး၊ တောင်ခြေဒေသနှင့် မြေနိမ့်ပိုင်းများတွင် နေထိုင်သူများအနေဖြင့် အထူးသတိပြုကြပါရန် TMD က အကြံပြုထားပါတယ်။ 🌊 ပင်လယ်ပြင်အခြေအနေ အထက်ပိုင်း ထိုင်းပင်လယ်ကွေ့နှင့် အထက်ပိုင်း အန္ဒမန်ပင်လယ်တို့တွင် လှိုင်းအမြင့် ၂–၃ မီတာခန့် ရှိနိုင်ပြီး မိုးကြိုးမုန်တိုင်းရှိသည့်နေရာများတွင် ၃ မီတာကျော် မြင့်တက်နိုင်ပါတယ်။ 🚤 လှေငယ်များအနေဖြင့် စက်တင်ဘာ ၂၇ ရက်အထိ ပင်လယ်ထွက်ခြင်းကို ရှောင်ရှားပြီး ကမ်းကပ်ထားရန် TMD က အကြံပြုထားပါတယ်။ 📌 ခရီးသွားလာသူများနှင့် ထိုင်းနိုင်ငံအတွင်း နေထိုင်သူများအနေဖြင့် မိုးလေဝသအခြေအနေများကို အမြဲစောင့်ကြည့်ပြီး လိုအပ်သလို ကြိုတင်ပြင်ဆင်ထားကြပါရန် အသိပေးအပ်ပါတယ်။ #ထိုင်းမိုးလေဝသ #မိုးကြီးရေကြီးသတိပေးချက် #ထိုင်းနိုင်ငံ #မိုးအန္တရာယ်သတိပေးချက် - @anawar2024