@1tvkz1: Қыршын кеткен сарбаздардың қауіпсіздігіне салғырт қараған тұлғалар анықталды Бұл жөнінде Бас прокуратура мәлімдеді. Құзырлы орган дерегінше, кешеден бері 30-дан астам әскери қызметшіден жауап алынып, құжаттар мен бейнематериалдар тәркіленген. 12 сараптама тағайындалыпты. Қазіргі уақытта жұмысына атүсті қарап, құтқару шараларын тиісті деңгейде ұйымдастырмаған лауазымды тұлғалар күдікке ілінді. Осыдан соң Ішкі істер министрлігі Қорғаныс министрлігі жүйесінен бес лауазымды тұлға ұсталғанын мәлім етті. Олардың қатарында Әскери-теңіз күштері Бас қолбасшысының бірінші орынбасары – штаб бастығы, екі әскери бөлімнің командирі, сондай-ақ теңіз жаяу әскерлері ротасының және «Қайсар» катерінің командирлері бар.
