@basit.baloch795: مَن دیستَگ دائم ءَ وابے ھَیالاں دروشُم ءُ دابے مَنی مِھرَنگیں مھگونگ نبود ءُ نَیست ءُ نایابے وتی ڈیھ ءَ دراں ڈیھاں زبھراں چہ بُن ءُ بیھاں کُتگ بَندیگ بِداں جوریں شبستگ تئیل ءُ گُل میھاں تکانسر سر جناناں من بَرے راہ ءَ کپاناں من مُراد ءِ مِنزِل ءَ دوریں بلّے انگت رواناں من من ءَ سُوگند شھیدانی دَیار ءِ وشّیں زیدانی مَنی ڈکال جتیں ھَلک ءَ نہ بیت شادہ ائیدانی ادا ھُونانی ھامین اِنت کشار ءَ چو سر ءِ روان اِنت جَنوزام زِندگیں روچاں سدو ءُ سمّی سازین اِنت نہ لوٹیں ما اِے سَرداراں نواب ءُ میر ءُ ھزگاراں کَنیں لنجیں زر ءَ زیراپ وتی آستونک ءِ سیہ ماراں مَنی واب ءِ شرہ بام اِنت مَن ءَ مِھرانی ھوشام اِنت وَتن گوں بَزّگیں راج ءَ چیا چو وار ءُ ھمشام اِنت مَنی واب اِنت مَنی ھمال شپانک ءُ بگ جت ءُ گوال نہ ننداں ایمن ءَ لوگ ءَ نہ بنت داں وژدِل ءُ وشّ ھَال مَنی دِھکان مَنی واب اِنت مَنی سَاربان مَنی واب اِنت نہ منّیت زات ءُ زریات ءَ ھما اِنسان مَنی واب اِنت جَھان ءَ وژدِلی لوٹاں پہ راج ءَ آجوئی لوٹاں تھار ءُ شَپ جتیں زند ءَ من رُژن ءُ ایمِنی لوٹاں 📒 ماھِیکان - تاکدَیم 71 (✍️بشیرؔ بیدارؔ )

Basit Baloch

Open In TikTok:

Region: AE

Friday 25 September 2026 10:03:50 GMT