📍Amalfi Coast 🇮🇹 Dostlar, siz menden ýygy-ýygydan soraýarsyňyz: «TimSan, näme üçin seniň wideolaryňda şeýle uly sanlar ýazylýar? Bir wideo nädip 350 000$ bolup biler?» 😁 Geliň, şu gezek size munuň nireden gelýändigini düşündireýin. Bu wideodaky adamlar meniň Ýewropadaky müşderilerim. Olar uly halkara egin-eşik brendini ösdürýärler, şeýle hem dünýäniň dürli ýurtlarynda lýuks awtoulaglaryň satuwy bilen meşgullanýarlar. Bentley, Mercedes-Benz, Porsche ýaly dünýä belli awtoulag brendleri bilen işleşýärler. Men bolsa köp wagtdan bäri olaryň şahsy režissýory we operatory hökmünde ýanlarynda işleýärin. Ýöne meniň işim diňe kamera alyp, owadan wideo düşürmek däl. Men olaryň sosial ulgamlaryny ösdürmäge, bizneslerini dürli ýurtlarda has köp adama tanatmaga kömek edýärin. Haýsy kontenti düşürmeli, nädip görkezmeli, adamlaryň ünsüni nädip çekmeli - bularyň hemmesini bilelikde meýilleşdirýäris. Indi bolsa 350 000$ nireden çykdy? 😁 Bu proýekt üçin Amalfi Coast-a kompaniýanyň bize beren hususy uçary bilen geldik. Olaryň öz ýahtasy şol wagt Ispaniýadady, şonuň üçin bu ýerde düşüriş üçin başga bir superýahtany 7 günlük kärendesine almaly boldular. Şol ýahtanyň 7 günlük kärendesi - 350 000$. Şol 7 günüň dowamynda men olar üçin köp mukdarda wideo kontent düşürdim we öňümizde goýlan ähli tehniki we döredijilik wezipeleri ýerine ýetirdik. Netijäni olar hem örän haladylar. Iň gyzykly ýeri bolsa - ähli işi 5 günde tamamladyk 😁 Şonuň üçin galan 2 güni Ortaýer deňzinde ýüzüp, Fransiýanyň we Italiýanyň kenarlaryny, Monakony we beýleki ajaýyp ýerleri görüp geçdik. Şeýlelikde, siz ekranda bary-ýogy birnäçe sekuntlyk wideo görýärsiňiz. Emma şol birnäçe sekundyň aňyrsynda uly kompaniýa, logistika, hususy uçar, superýahta, onlarça adamyň zähmeti we birnäçe günlük iş durup biler. Şonuň üçin käwagt bir wideonyň aňyrsyndaky san sizi geň galdyrýar 😁 Men dünýäniň köp ýerlerini gördüm. Ýewropany, Aziýany, deňizleri, daglary, dünýä belli şäherleri gördüm. Emma her gezek täze bir ajaýyp ýere baranymda bir zada has gowy düşünýärin - biziň beýik Türkmenistanymyzda hem dünýä görkezmäge mynasyp ýerler örän köp! 💚🇹🇲 Ýaňykalanyň täsin gaýalary, Nusaýyň müňýyllyk taryhy, Gadymy Merw, Köneürgenç, Köw-Ata, Garagumyň giňligi… Bularyň hemmesi biziň Türkmenistanymyzda! 🇹🇲💚 Adam nirede bolsa-da, näme bilen meşgullansa-da, täze zatlary öwrenmekden, tejribe toplamakdan we ösmekden hiç wagt galmaly däl. Ýöne şol bir wagtyň özünde öz Watanyňy, medeniýetiňi we köküňi unutmazlyk meniň üçin aýratyn möhüm. Men hem nirede bolsam-da, öz dogduk mekanym Türkmenistanymy hemişe buýsanç bilen ýatlaýaryn. 💚🇹🇲 Hemmäňize maşgalalaryňyzda abadançylyk, işleriňizde üstünlik arzuw edýärin. Özüňize ynanyň, halal zähmet çekiň we öňe gidiň. Hemme zat gowy bolar! 🤝💚 #turkmenistan #туркменистаннавсегда #🇹🇲 #ashgabat #ашхабадлюбимыйгород - @timsan_gulki