@25.ayll.school: ئەمڕۆ ٢٥ی ئەیلوول، یادکردنەوەی وێستگەیەکی گەورە و پڕ لە هەستی نەتەوەییە؛ ڕیفراندۆمی سەربەخۆیی کوردستان، ئەو دەنگە بەرزەی کە ئیرادە و هیواکانی نەتەوەیەکی تێدا ڕەنگدانەوەی هەبوو و هەمیشە وەک وەرچەرخانێکی مێژوویی لە یادەوەریەکانماندا دەمێنێتەوە. لە هەمان ڕۆژدا، خۆشحاڵین بە تێپەڕبوونی یەک ساڵ بەسەر کردنەوەی قوتابخانەی ٢٥ی ئەیلول. ئەم ناوەندە پەروەردەییە حکومییە کە بە سیستەمی ئینگلیزی بەڕێوەدەچێت، لە ماوەی ساڵی یەکەمی کارکردنیدا بووەتە ماڵێکی گەورە بۆ پێگەیاندن و فێربوونی نەوەی ئایندەمان. شانازی دەکەین کە لەم ڕۆژە پیرۆزەدا، لە ڕێگەی پێشکەشکردنی پەروەردەیەکی هاوچەرخ و بەکوالێتیەوە، درێژە بە خزمەتکردنی کۆمەڵگە و منداڵە خۆشەویستەکان دەدەین. هیوادارین وابەستەیی بە نیشتمان و زانست هەمیشە چرا و رۆناکی ڕێگامان بێت