@sandi81551: - كان في بت صاحبتها جسمها كان مليان شوية وخطيبها كان كل شوية يضايقها بالكلام، البت بقت تعمل تمارين وقللت الأكـل مرة واحدة وكانت بتمشي الجيم من غير ما تفطر لحد ما جاها هبوط واتوفت! - على النقيض تمامًا واحدة كانت متزوجة ومر على زواجها فترة وماخلفت بسبب السمنة؛ والدكتور قاليها " لازم تنحفي " عشان تعرفي تجيبي أولاد وفي مرة مشت للدكتور مع زوجها فالدكتور عصب واتضايق فيها على وزنها المانزل،بقت تعيط بهستريا وقالت لزوجها: " كل مرة أقوليك بلاش تجيب لي حاجات بتسمن وأنت البتصمم تجيبها وتتحايل علي أكل " فزوجها حضنها وباس راسها وقاليها " أنا بحبك زي ما أنتي وملعون أي حاجة تزعلك أنا ما عاوزها تنحف يادكتور ومسك مرته ومشي " ♥ - بنت تانية كانت عروق إيديها بارزة جدًا ويوم خطوبتها جا خطيبها يلبسها الدبلة قاليها " دي منظر إيد؟ " فـ فسخت الخطوبة في لحظتها وإتخطبت لواحد غيره بتقول " والله العظيم في كل مرة يعاين لإيدي يقعد يقولي شنو الجمال ده؟ معقولة في إيد بالرقة دي؟ " ♥ - واحدة تانية كانت مابتحب تاكل أطراف العيش بتاكله من النص بس ولما خطيبها عرف ضحك عليها وسابها. هسي اتزوجت واحد بيدلعها جدًا وبياكله وراها وبيشوف إنو التصرف ده تصرف أطفال ♥. - في مرة واحدة بتحكي وبتقول: زوجي كان كل يوم ياخدني معاه نصلي التراويح في رمضان وفي يوم جا ياخدني من مسجد النساء وكنت حامل فلقاني ما عارفة ألبس الجزمة فنزل على رجله ولبسني ليها قدام النساء كـلهم وبعدين خت إيده فـي إيدي ومشى ولما سألته وبقوليه " أكيد عملت كدا عشان أنا حامل صح؟ " رد وقال: " لا عشان إنتي بتي وكمان ما بقبل شخص يعاين عليكي " ♥. - في مرة واحدة كانت في مول فعجبها لون منكير عشان زوجها بيحب اللون ده فمشت تسأل البت الواقفة عن تمنه فالبت قالت ليها بـ عشرة ؛ فقالت ليها " خلاص اديني أرخص حاجة عندك " ولما زوجها جا وقالت ليه إنها عاوزاها رد وقال بعصبية: " وفري قروشها وجيبي بيها حاجة للبيت " مع إنَّه كان ماسك علبة سجاير L.m ودي تقريبًا أغلى أنواع السجاير فجراها من إيديها وبقت تعاين على علبة المنكير بحزن وزعل. - مرة دكتور بيحكي وبقول إنه كان عنده حالة ولادة وأول ما خلص وطلع زوجها دخل جرى عليها وبقي يبوس على راسها وإيديها ورجليها وهو ببكي وبقول " سامحيني إني ما عارف أخفف عنك وجعك حقك علي " ولما الدكتور سأله " انت مكسوف إنك تبوس رجليها قدامي؟ " فرد قاليه " لا ما مكسوف كفاية إنها شافت تسع شهور تعب وألم لوحدها وكمان شايلاني وبكره حتشيل اولادي وعمرها ما اشتكت " ♥ - واحدة تانية بتحكي وبتقول " وقت ولادتي زوجي سابني في المستشفى ومشي رحلة مع اصحابه يصيف وماسأل علي ولا علي بنته " - واحد كان ناشر على صفحته وبقول " خطيبتي عندها كورونا أسيبها ولا أكمل معاها؟ " رد واحد في التعليقات وقاليه " عاوز تسيبها عشان عندها كورونا؟ أنا حبيبتي عندها كانسر في الرحم وبتحايل عليها عشان ماتبعد عني " ♥. - واحدة فسخت خطوبتها قبل كتب الكتاب بيوم واحد ولما سألوها عن السبب قالت " كان بتطمن علي بعد ما أصحى من تعبي؛ كان بيتصل يسألني عن مشاكلي بعد ما ألاقي الحل؛ ولا مرة كلمني وحسيت بلهفة وشغف في الكلام وكأن بيتصل علي تقضية واجب؛ بيكون جنبي في الوقت الغلط ولما بحتاجه ماكنت بلاقيه؛ لما كنت بقوليه ح اقفل عشان أنوم كان بيقولي ماشي سلام مع إني كنت بقول ليه كدا عشان زعلانة لكنه كان بيسيبني أنوم دموعي على خدي، في الحقيقة محصل بينا مشاكل بس هو ما يستاهلني " - واحد بيقول موبايل واحد صاحبي برن وإحنا في الشغل فمسكت التلفون بتاعه ومشيت اديه ليه فـ لقيت الاسم: " وصية رسول الله " ولما خلص المكالمة وسألته مين وصية رسول الله دي؟ ابتسم وقال " دي مرتي عارف سجلتها كدا ليه؟ " ولما قاله " لـيه؟ " رد وقال " عشان لما أكون زهجان أو عندي مشاكل في الشغل أو ضغط وهي تتصل علي واشوف الإسم أتذكر إنو النبي صلى الله عليه وسلم وصاني بيها فـ أهدى تلقائيًا وأتكلم معاها بلين وود وابدأ أحكي ليها مشكلتي بهدوء وبدون عصبية " ♥. إحنا ما وحشين، إحنا حلوين مع الناس الصح ♥ #sudanese_tiktok #tiktokviral #الشعب_الصيني_ماله_حل😂😂😂 #loveyou #حب

السمحه❤.

Open In TikTok:

Region: SD

Friday 25 September 2026 12:59:32 GMT