@katorotv: Mkuu wa Mkoa wa Geita, Alexander Mnyeti, ameliagiza Jeshi la Polisi mkoani humo kuendelea kuwakamata madereva wa bodaboda wanaokiuka sheria za usalama barabarani, akisema hatua hiyo ni muhimu kudhibiti ajali na kulinda usalama wa wananchi. Akizungumza katika mkutano wa viongozi na wananchi uliofanyika Katoro mapema Septemba 24, 2026, Mnyeti alisema polisi wanapaswa kuwachukulia hatua bodaboda wanaopita kwenye taa nyekundu, wasiovaa helmeti na wanaofanya vitendo hatarishi barabarani, huku akisisitiza kuwa madereva wanaofuata sheria hawapaswi kusumbuliwa. Aidha, Mkuu huyo wa Mkoa alisema baadhi ya bodaboda wamekuwa wakifika kwa wingi kumtetea mwenzao anapochukuliwa hatua, akionya kuwa tabia hiyo haipaswi kuendelea. Mnyeti alisisitiza kuwa udhibiti huo si wa kuwaadhibu bodaboda wote, bali ni kuhakikisha wanaokiuka sheria wanawajibishwa, huku wanaofuata sheria wakifanya kazi zao bila usumbufu.

KATORO TV

Open In TikTok:

Region: TZ

Friday 25 September 2026 13:05:52 GMT