@kokoronokeshiki: ပခုံးချင်းတိုက်တာ ရေစက်၊ တွေ့ဆုံတာက ရေစက်၊ အဖော်ပြုတာက ရေစက်၊ ခွဲခွာတာက ရေစက်..... ရေစက်ပါသူတွေက ဘေးချင်းယှဉ် အတူလျှောက်ပြီး ရေစက်ကုန်သူတွေက လက်ပြနှုတ်ဆက်ကြတယ်။ ရေစက်ကုန်ရင် ခံစားချက်လည်း ပြယ်တယ်။ လူလည်း ကွဲသွားတယ်။ ရေစက်ကျန်ရင် ခံစားချက်လည်း ရှိတယ်။ လူလည်း ရှိတယ်။ "ရေစက်" ဆိုတဲ့ စကားလုံးဟာ ဇာတ်လမ်းတွေ အများကြီး ဖြစ်စေခဲ့ပြီး ခံစားချက်တွေ အများကြီး ပေးတယ်။ လူလူချင်းကြား အကွာအဝေးကို နီးစပ်စေရုံမက ချစ်ကြသူတွေကိုလည်း ကွဲကွာစေတယ်။ ရေစက်မှာ အတိမ်အနက်ရှိတယ်၊ အပျစ်အကျဲ ရှိတယ်။ သံယောဇဉ်တစ်ခုတိုင်းက လက်ဆောင်တစ်ခုဖြစ်ပြီး ရေစက်တိုင်းက ကံတရားက စီစဉ်တာဖြစ်တယ်။ ကိုယ့်ဘေးမှာ အဖော်ပြုနေသူက ကိုယ့်ကို မယိမ်းယိုင်တဲ့ သစ္စာစောင့်သိမှုရဲ့ အဓိပ္ပာယ်ကို သင်ပေးတယ်။ ကိုယ့်ကို စွန့်ခွာသွားသူက ကိုယ့်ကို အရင်းနှီးဆုံးသူစိမ်းဆိုတဲ့ အဓိပ္ပာယ်ကို သိစေတယ်။ ဒီဘဝမှာ တွေ့ဆုံခွင့်ရတာဟာ အတိတ်က ကျန်ရှိတဲ့ ဝဋ်ကြွေးတွေကြောင့်ဖြစ်တယ်။ အတိတ်ကအကြွေးတွေ မဆပ်နိုင်ခဲ့ရင် ဒီဘဝမှာ ပြန်ဆပ်ရတယ်။ အကြွေးများလေ၊ အတူရှိချိန် ပိုကြာလေ။ အကြွေးနည်းရင် အတူရှိချိန်က ခဏတာလေးပဲ။ ဒါကြောင့် ဘယ်သူနဲ့ ဆုံခဲ့ ဆုံခဲ့ နောင်တမရပါနဲ့။ တွေ့ဆုံရတာဟာ ကံကောင်းခြင်းတစ်မျိုးပါ။ တချို့က တစ်သက်လုံး ရှာပေမယ့် "ရေစက်" ဆိုတဲ့ ဆက်နွယ်မှုကို ရှာမတွေ့ကြဘူး။ တွေ့ဆုံပြီဆိုရင် တစ်ယောက်ကိုတစ်ယောက် မနာကျင်ပါစေနဲ့။ ခွဲခွာပြီဆိုရင် မကျေနပ်ချက် အငြိုးတွေ မထားပါနဲ့။ ဒီလောကမှာ လူ့ပင်လယ်ကို ဖြတ်ပြီး အချင်းချင်း တွေ့ဆုံဖို့၊ အမျိုးမျိုးသော စမ်းသပ်မှုကို ခံနိုင်ရည်ရှိဖို့၊ တစ်ယောက်ကို တစ်ယောက် ခိုင်ခိုင်မြဲမြဲ မယိမ်းယိုင် ချစ်ဖို့ ... ဘယ်လောက် နက်ရှိုင်းတဲ့ ရေစက်ပါမှ ရတာလဲ... ပိုင်ဆိုင်ထားရင် တန်ဖိုးထားပါ၊ ခက်ခက်ခဲခဲ ရယူထားတဲ့ ဒီနှောင်ကြိုးကို တန်ဖိုးထားပါ။ လူအုပ်ကြားမှာ လျှောက်နေတာထက် တစ်ယောက်ယောက်ရဲ့ ဘေးမှာ ရှိနေတာက အကောင်းဆုံးပါ။ အဝေးကနေ တစ်ယောက်ကို တစ်ယောက် ငေးတာထက် နှလုံးသားထဲ ကိုယ်စီ သိမ်းထားတာက အကောင်းဆုံးပါ။ ဘယ်သူနဲ့ တွေ့တွေ့၊ ဘယ်သူက ကိုယ်နဲ့ဆုံဆုံ အားလုံးက ရေစက်ပါပဲ။ ဒီဘဝရဲ့ ခံစားချက်က ဒီဘဝနဲ့ပဲ ဆိုင်ပါတယ်။ ဒီဘဝရဲ့ ရေစက်က ဒီဘဝမှာပဲ ပြည့်စုံပါတယ်။ ဘာလို့လဲဆိုတော့ ဒီဘဝဆုံးတာနဲ့ နောက်ဘဝ ပြန်ဆုံမှာ မဟုတ်တော့လို့ပါ။ --- မျှဝေပါတယ် #နိုင်းနိုင်းစနေ #fypシ #心が少し軽くなる景色

🌿Dreamy Day🌿

Open In TikTok:

Region: MM

Friday 25 September 2026 13:52:16 GMT