زندگی ہمیشہ ایک جیسی نہیں رہتی، کبھی انسان کے پاس وسائل کم ہوتے ہیں، راستے مشکل ہو جاتے ہیں اور محنت کے باوجود نتیجہ فوراً نہیں ملتا، تو ایسے وقت میں شکوہ کرنے کے بجائے اپنے آپ کو مضبوط کرو اور محنت کرتے رہو، کیونکہ مشکل وقت انسان کو توڑنے نہیں بلکہ اُسے اُس قابل بنانے آتا ہے جس کے لیے وہ دعا کر رہا ہوتا ہے۔ پھر جب وقت بدل جائے، حالات آسان ہو جائیں اور اللہ تمہیں وہ دے دے جس کے لیے تم کبھی ترستے تھے، تو اُن لوگوں کو مت بھولنا جو تمہاری مشکل گھڑی میں تمہارے ساتھ کھڑے تھے، بلکہ جہاں ممکن ہو کسی اور کے مشکل وقت میں اُس کا ہاتھ تھام لینا۔ کیونکہ زندگی کا اصل حسن صرف یہ نہیں کہ انسان خود مشکل سے نکل آئے، بلکہ یہ بھی ہے کہ نکلنے کے بعد کسی دوسرے کے لیے راستہ آسان کرے۔ آج اگر تم کسی کے محتاج ہو تو کل کسی کی ضرورت بن سکتے ہو، اور آج اگر تمہارے پاس کسی کی مدد کرنے کی طاقت ہے تو اسے صرف اپنے لیے مت رکھو۔ وقت بدلتے دیر نہیں لگتی، مگر انسان کی اصل پہچان یہ ہے کہ وقت بدلنے کے بعد اُس کا دل کتنا بدلتا ہے۔ جو شخص اپنے برے دنوں کو یاد رکھتا ہے، وہ اچھے دنوں میں غرور نہیں کرتا؛ اور جو اپنی تکلیف نہیں بھولتا، وہ دوسروں کی تکلیف کو بھی نظر انداز نہیں کرتا۔ شاید یہی زندگی کی سب سے خوبصورت کامیابی ہے کہ انسان خود بھی آگے بڑھے اور جاتے ہوئے کسی دوسرے کو بھی ساتھ لے جائے۔ #foryoupage - @aliimran_writes