@ibrahim.irufaan: މުސްލިމް އަޅާ މި ބިންމަތީގައި ކުރާ އަޅުކަންތަކުގެ ތެރެއިން މާތް ﷲ އަށް ކުއްތަންވެ ކުރާ އެންމެ ފަސޭހަ އަދި އެންމެ ބާރުގަދަ އެއް އަޅުކަމަކީ އެކަލާނގެ އަށް ޒިކުރު ކުރުމެވެ. ޒިކުރު ކުރުމުގެ އަމަލަކީ މާތް ﷲ މަތިން ހަނދުމަކޮށް އެކަލާނގެއަށް ޝުކުރުވެރިވާ ހާލު އެކަލާނގެއަށް ހަމްދާއި ސަނާ ކިޔުމުގައި ވަގުތު ހޭދަކުރުމެވެ. ﷲ ސުބަހާނަހޫވަތާއާލާ ހަނދުމަކޮށް އެކަލާނގެއަށް ޒިކުރު ކުރުމުގެ އަޅުކަމަކީ ކީރިތި ޤުރުއާނުގެ އެތަށް ތަނެއްގައި ބަޔާންވެގެން އައިސްފައިވާ އަޅުކަމެކެވެ. މިގޮތުން، އަޅުތަކުންގެ ތެރެއިން އެންމެ ސޯލިހް އަޅަކީ މާތް ﷲ ދެއްވާފައިވާ ރަހަމްތަކަށް ޝުކުރުވެރިވެ އެކަލާނގެއަށް ހަމްދުކުރާ އަޅާކަމަށް ޤްރުއާނުން ސާބިތުވެއެވެ. ކީރިތި ޤްރުއާނުގެ އާލް އިމްރާނު ސޫރަތުގެ 191 ވަނަ އާޔަތުގައި މާތް ﷲ ވަހީކުރައްވައެވެ. "އެއުރެންނީ، ކޮޅަށް ތިބެގެންނާއި، އިށީނދެތިބެގެންނާއި އޮށޯވެ ތިބެގެން، ﷲ ހަނދުމަކޮށް އުޑުތަކާއި ބިން ހެއްދެވުމާމެދު ފިކުރުކޮށްއުޅޭ މީހުންނެވެ. (އެއުރެން ދަންނަވާނެތެއެވެ). އަޅަމެންގެ ވެރިރަސްކަލާކޮ! އިބަރަސްކަލާނގެ މިތަކެތި ހައްދަވާފައި ވަނީ ބާތިލް ގޮތެއްގައިއެއް ނޫނެވެ. އިބަރަސްކަލާނގެ ހުސްތާހިރުވަންތަކަމާއެވެ. ފަހެ، ނަރަކައިގެ އަޒާބުން އަޅަމެން ދިންނަވާނދޭވެއެވެ." މީގެ އިތުރުން ވެސް ޤުރުއާނުގެ އެތަށް ތަނެއްގައި މާތް ﷲ އަށް ޒިކުރުކުރުމުގެ ވާހަކަ އައިސްފައިވާ އިރު ސޫރަތުލް ބަގަރާގެ 152 ވަނަ އާޔަތުގައި އެކަލާނގެ ވަހީ ކުރައްވައެވެ. "ފަހެ ތިޔަ ބައިމީހުން ތިމަންރަސްކަލާނގެ ހަނދުމަކުރާށެވެ! އޭރުން ތިމަންރަސްކަލާނގެ ތިޔަބައިމީހުން ހަނދުމަކުރާ ހުށީމެވެ. އަދި ތިމަންރަސްކަލާނގެ އަށް ތިޔަބައިމީހުން ޝުކުރު ކުރާށެވެ. އަދި ތިމަންރަސްކަލާނގެ އަށް ތިޔަބައިމީހުން ކާފިރު ނުވާށެވެ". #naseyhai #dhivehitiktok #tiktokmv #viral #creatorsearchinsights

ابراهيم عرفان 🤍

Open In TikTok:

Region: MV

Friday 25 September 2026 16:24:20 GMT