@bahaa6840: أخطر إنسان بحياتك مو اللي يكرهك… أخطره اللي يعرف وجعك، ويعرف شلون يوجعك أكثر. أكو ناس تحسن إلهم، تفتح لهم بابك، وتوقف وياهم بوقت ما كان إلهم أحد… وبالمقابل، أول ما تختلف وياهم، يقلبون كل معروف إلى تهمة، وكل موقف طيب إلى سلاح يعايروك بيه. وأكو واحد من تحچي له سالفة، لا تحچي وأنت مطمّن… صفّن أول: هذا راح يحفظ وجعي؟ لو راح يحفظ الكلام حتى يذبحني بيه من أختلف وياه؟ لأن أكو بشر سمّهم مو بالكلام… سمّهم بالنية. يجرحك، وإذا شافك تأذيت يضحك ويگلك: «إشاقه ». وهو يعرف زين إن الكلمة مو مزحة… يعرف وين أصابت، ويعرف ليش أوجعتك. لا تعطي كل قلبك، ولا تشرح كل وجعك، ولا تكشف كل نقاط ضعفك… مو خوفاً من الناس، بس لأن مو كل من قرب منك يستحق يعرف وين يوجعك. وأقسى وجع؟ أنك تكتشف متأخر إن الإنسان اللي كنت تحچي له عن جروحك حتى ترتاح… كان ساكت مو لأنه حاس بيك، كان ساكت لأنه دا يحفظها حتى يستخدمها عليك بالوقت اللي يريد يكسرك بيه.#اقتباسات_عبارات_خواطر #foryoupage #fyp #الشعب_الصيني_ماله_حل😂😂

𓆩فكرة ممشوقة𓆪

Open In TikTok:

Region: IQ

Friday 25 September 2026 18:17:30 GMT