@_077u: تدري شَنو الأنسان من ينعجب بواحد حلو غالباً يربط داخل هالشخص بشكله . يحكم عالملامح قبل الشخصية والسلوك ، الهالسبب مجتمعنا من اكثر المجتمعات عايش تجارب فاشلة لأن احنه شعب يعتمد عالمظاهر . شوفوا بغير أماكن بالعالم تلكه وحده جميلة مرتبطة بواحد اقل من العادي ، من تباوع علّي تحس امتلكت العالم ، وتشوف واحد حلو مرتبط بأنسانة عادية بس بداخلها شي بس هو يشوفه صارت بنظّرة اجمل انسانة بالكون . مو بس على صعيد العلاقات حتى على صعيد العمل ، الوجهه حلو وداخله باهت كل فترة يزيد راتبه ومايمسه اَي خصم عكس اليشتغل بنفس المكان عالتنظيف يختارون شخص متعبته الدنيا شكلياً كأنهُ يكلوله وجهك هو اختصار لحياتك ومكانتها . اختيار الجمال صفة اصيلة بداخل الأنسان بس صفة غريزية نابعة من الرغبة وتتحول تدريجياً لحب ومشاعر حقيقية اذا الجمال الداخلي متوافق ويه الشكل الخارجي اما اليختار بس مظهر ومايهمه داخل الأنسان راح يشوفه بس جسد ، سلعة تجارية ، او مشروب طاقة اله مدة محددة وينهمل لو ينمل الأنسان الكل حياته اهتمام بالمظهر واختيار للمظهر ورغبات واحلام تنبني عالمظهر يخلق بداخله بشاعة سوء الأختيار . وفقدان الثقة ماتعرف الكدامك يحبك صدك لو لا . لأن اختيارك اجه من نظرتك مو من گلبك ♥️#fyp #foryou #بدون_هشتاق

5884

478

2026-09-25 20:06:49

To see more videos from user @_077u, please go to the Tikwm homepage.