කර්මය විශ්වාස කරන්න. ඔයාගෙ ඇස්වලින් කඳුළු වැටෙන්න හේතුවක් වුණ මිනිස්සු ඉන්නවා. ඔයා අවංකව ආදරේ කරද්දි ඒ ආදරේට වටිනාකමක් නොදී, ඔයාගෙ හිත රිද්දලා, ඔයාට දුකක් දීලා, ඔයා තනිවෙලා අඬන තැනකට ඔයාව ගෙනාපු මිනිස්සු ඉන්නවා. සමහරවිට එයාලා ඒ වෙලාවේ ඔයාට කොච්චර රිදුණද කියලා දැනගෙනවත් නැති වෙන්න පුළුවන්. ඔයා රෑ තිස්සෙ අඬපු හැටි, හිත ඇතුළෙන් කඩාගෙන වැටුණු හැටි, කවුරුත් නොදන්න විදිහට ඔයා දරාගත්ත හැටි එයාලා කවදාවත් දැනගන්නෙ නැති වෙන්න පුළුවන්... හැබැයි ඒ නිසා ඔයා එයාලටත් ඒ වේදනාවම දෙන්න යන්න එපා. එයාලා ඔයාට කරපු දේවල් ආපහු එයාලටම කරලා “දැන් තේරෙනවද මට කොච්චර රිදුණද?” කියලා පෙන්වන්න උත්සාහ කරන්න එපා. පළිගන්න එපා. එයාලගෙ ජීවිතේ විනාශ වෙනකම් බලාගෙන ඉන්නත් එපා. එයාලට මොනවා වෙයිද කියලා හැමදාම හොය හොයා ඉන්නත් එපා... මොකද, ඔයාට රිද්දපු මනුස්සයෙක් නිසා ඔයාගෙ මුළු ජීවිතේම ඒ මනුස්සයා වටේ ගොඩනගාගන්න ඕන නෑ. ඔයාට කරන්න තියෙන්නෙ එයාලගෙ වැරදිවලට උත්තර දෙන්න ඔයාගෙ හිත තවත් නරක කරගන්න එක නෙමෙයි. ඔයාට කරන්න තියෙන්නෙ නිහඬව අයින් වෙලා ඔයාගෙ ජීවිතේ ආයෙත් හදාගන්න එක... අද එයාලා සතුටින් ඉන්නවා වගේ පේන්න පුළුවන්. ඔයාට කරපු දේවල් අමතක කරලා කිසිම දෙයක් සිදු නොවුණා වගේ ජීවත් වෙනවා වගේ පේන්න පුළුවන්. ඒක දැකලා “ඇයි මට මෙච්චර දුකක් දීලා එයාලට කිසිම දෙයක් වෙන්නෙ නැත්තෙ?” කියලා හිතන්න එපා. මොකද, අපිට කෙනෙක්ගෙ මුළු ජීවිතේම පේන්නෙ නෑ. කෙනෙක්ට තමන් කළ දේවල්වල ප්‍රතිඵල කවදා, කොහොම ලැබෙයිද කියලා අපිට තීරණය කරන්න බෑ... ඒ නිසා කර්මය කියන දේ විශ්වාස කරනවා නම් ඒකේ වගකීමත් ඒකටම දෙන්න. ඔයා කිසිම දෙයක් කරන්න යන්න එපා. ඔයාගෙ කඳුළු වෙනුවෙන් ඔයාගෙ අත් දෙකෙන් පළිගැනීමක් කරන්න එපා. ඔයාගෙ වේදනාව නිසා ඔයාගෙම හොඳ හිත නැති කරගන්න එපා. කවදාහරි එයාලා තමන් කරපු දේවල් තමන්ටම තේරුම් ගන්න දවසක් එන්න පුළුවන්. ඔයා ඒ දවස දකින්න පුළුවන්. හැබැයි ඒ දවස එනකම් ඔයා බලාගෙන ඉන්න එපා... මොකද, ඔයාගෙ ජීවිතේ එයාලගෙ දඬුවම බලන්න බලාගෙන ඉන්න තරම් පුංචි දෙයක් නෙමෙයි. ඔයාට රිද්දපු මිනිස්සු ගැන අමතක කරන්න බැරි වුණත් කමක් නෑ. හැබැයි ඒ මතකයත් එක්ක ඔයාගෙ ජීවිතේ නවත්තලා දාන්න එපා. ඔයා අඬපු තැනින් නැගිටින්න. ඔයාට නැතිවුණු සැනසීම ආයෙ හොයාගන්න. ඔයාගෙ හිත ආයෙත් සුවපත් කරගන්න. ඒ මිනිස්සුන්ට ඔයාගෙ ජීවිතේ තවත් දවසක්වත් නාස්ති කරන්න ඉඩ දෙන්න එපා... මතක තියාගන්න. කෙනෙක් ඔයාගෙ ඇස්වල කඳුළු ඇති කළා කියලා ඔයා එයාගෙ ඇස්වලත් කඳුළු ඇති කරන්න ඕන නෑ. කෙනෙක් ඔයාට අසාධාරණයක් කළා කියලා ඔයාත් අසාධාරණ මනුස්සයෙක් වෙන්න ඕන නෑ. ඔයා නිහඬව ඉන්න. ඔයාගෙ ජීවිතේ ඉස්සරහට ගෙනියන්න. ඉතිරිය කාලයට බාර දෙන්න... කර්මය විශ්වාස කරන්න. මොකද, සමහර මිනිස්සුන්ට අපි දෙන හොඳම උත්තරය පළිගැනීම නෙමෙයි. අපි එයාලා නිසා කඩා වැටුණු තැනින් ආයෙත් නැගිටලා එයාලා නැතිවම සතුටින් ජීවත් වෙන එකයි... ❤️ . . . . #fypシ゚ #viralvideos #foryourpage #whatsappstatus - @kavi47260