@dr_emadslama33: 🔴 لما تدخل اي سوبر ماركت بتشوف انواع مختلفه من الملح وبتبقى محتار تستخدم انهي نوع وهقول لك مفاجآت لا يمكن تتوقعها النهارده 👌🏼👌🏼 🔴وطبعا انا كنت اتكلمت قبل كده عن اهميه الملح وانك ما ينفعش تستغنى عنه في نظامك الغذائي لفوائده الصحيه المهمه جدا واضرار نقص الصوديوم✌🏼 ✅النوع الاول والاشهر هو ملح المائده او الملح العادي اليودي واللي بيجي من المناجم👌🏼 👈🏼ميزته انه رخيص ومتوفر في كل مكان ومدعم باليود عشان كده بيبقى مناسب للناس اللي عندها مشاكل في الغده الدرقيه 👈🏼عيوبه انه جرت عليه عمليه تصنيع مختلفه عشان كده اسمه (مكرر) يعني تشيل كل حاجه منه واحتفظنا بس بالصوديوم كلورايد 😉😉 👈🏼طبعا بيضاف عليه مضادات التكتل وبعد المبيضات الصناعيه عشان يديك اللون الجميل بتاعه ده والحاجات دي يقال ان ليها بعض الاثار الجانبيه الصحيه 🤔🤔 🔴النوع الثاني ✅ملح الهيمالايا الوردي 👈🏼وده لونه جميل زي ما انتم شايفينه كده وبيجي من باكستان تحديدا 👌🏼👌🏼 👈🏼وفي منه نوعين في السوق الخشن وده ما تعرضش لاي عمليه تصنيع في الناعم وده المطحون ✔️ 👈🏼ومش بفضله قوي لانه ممكن يدخل فيه بعض الشوايب او يتغش👌🏼👌🏼 👈🏼ميزته انه طبيعي بس 👈🏼لكن هو صوديوم كلوريد عادي جدا(٩٨.٥) واخذ شهرته نتيجه كلام الناس عليه انه صحي وبتاع مع انه ملح عادي جدا حتى المعادن الاضافيه( اللي موجوده فيه نسبه بسيطه وضئيله جدا وبالتالي ملهاش تاثير صحي واضح ✌🏼✌🏼 👈🏼بل العكس في بعض المعادن النادره الغير معروف التكوين ولحد دلوقتي مش عارفين اثرها ايه على الصحه🙆🏼‍♀️ 🔴عيوبه 👈🏼اغلى تقريبا 10 اضعاف من الملح العادي 👈🏼وفي اشاعات بتقول ان دوله الاحت.لال من اهم الدول المسوقه ليه المسؤول عن اخراجه من مناجم باكستان 👈🏼 ( وقد يكون ده سر انتشاره الفترات اللي فاتت) 👈🏼كمان في ناس بتستخدمه كميات كبيره معتقدين ان هو له فوائد صحيه وده غلط طبعا 👌🏼👌🏼 🔴النوع الثالث ✅ملح البحر 👈🏼وده النوع المحبب الى قلبي وبيجي من تبخير ميه البحر يحتوي على نسب من المعادن الطبيعيه خصوصا الخشن منه اللي لم يخضع العمليه طحن او تكرير 👈🏼( نسبه صوديوم كلوريد اقل من ٩٨٪ بحاجه بسيطه) ✅ميزته 👈🏼طبيعي سعره مقبول طعمه كويس ويحتوي على بعض المعادن ومضادات الاكسده✔️ 👈🏼عيوبه مافيش من وجهه نظري بس تاكد من المصدر اللي هتجيبه👌🏼 🔴النوع الرابع ✅هو ملح البوتاسيوم او الملح المنخفض في الصوديوم او ملح دكتور سولت 👈🏼( صوديوم كلوريد اقل من ٥٠٪ وبوتاسيوم كلورايد أكثر من ٥٠٪) 👈🏼و ده ملح مصنع بالكامل مضاف عليه يود وتم اضافه بوتاسيوم عليه عشان نقلل نسبه الصوديوم ✅ميزته مناسب لمرضى الضغط اكثر👌🏼👌🏼 ✅ والناس اللي عندها مقاومه انسولين وكمان مناسب لمرضى الغده الدرقيه لانه مدعم باليود ✔️✔️ 🔴عيوبه 👈🏼لا يناسب مرضى الكلى عشان البوتاسيوم اللي موجود فيه ✅سعره اعلى من الملح العادي 👈🏼دخل عليه عمليات تصنيع وتكرير زي ملح المائده بالظبط أنا قولت اقولكم لاني في الله بحبكم❤️#صحة #ملح #الملح #هيمالايا #الصحة

2055

2026-09-25 22:15:34

To see more videos from user @dr_emadslama33, please go to the Tikwm homepage.