🔥ကိလေသာအစေးမခန်းသရွေ့.... 💧မအေးချမ်းသေးဘူး...... 🌿🌿🌿🌿🌿🌿🌿🌿🌿🌿 🌲 ခန္ဓာက အစေးရှိတဲ့ သစ်ပင်နဲ့ တူတယ်... ၊ 🍾 အာရုံခြောက်ပါးက ခုတ်ဓားနဲ့ တူတယ်... ၊ ခုတ်လိုက်တဲ့အခါကျလို့ရှိရင်.... အစေးထွက်လာတာက ကိလေသာ ထကြွလာတာပဲ...... ။ ခုတ်တိုင်း ခုတ်တိုင်း လောဘထွက် ၊ ဒေါသထွက် ၊ မောဟထွက် ၊ ဣဿာထွက် ၊ မစ္ဆရိယထွက် ၊ မာနထွက် ...အဲဒါတွေက အစေးတွေနဲ့တူပါတယ်.... ၊ ကိလေသာအစေးတွေနဲ့ တူတယ်လို့ မှတ်လိုက်တာပေါ့..... ။ 🌲 ဒီအစေးတွေသည် အပင်တွေကို သေစေတယ်... ၊ ကြောက်စရာ သိပ်ကောင်းတယ်.... ၊ ကိုယ့်အဖြစ်ဟာ ဘယ်သူ သတ်လို့မှ သေမှာမဟုတ်ဘူး ၊ အစေးလောင်ပြီးတော့ သေရမှာ...။ 🌲 ဒီအစေးဟာ နဂိုက မြင်ရတာမဟုတ်ဘူး ၊ ခုတ်တဲ့အချိန်မှ ထွက်လာတာပါ.... ၊ ဘုရားဟောတော်မူတဲ့ အနုသယ ၊ အနုသယဆိုတာ ဒါပဲ..... ။ 🌝 ဒါကြောင့်... ဘယ်သူ့မှလဲ သွားပြီးမချီးမွမ်းနဲ့ဦး ၊ ခုတ်ကြည့်ဦး.... ၊ ခုတ်ကြည့်လို့ အစေးမထွက်မှ ချီးမွမ်းရမယ်.... ၊ သဘောကျပလား....။ 🌲 ဒီအစေးမသိမ်းသရွေ့.... ဒီအစေးက ခဏ ခဏ ထွက်ပြီး... ဒီအစေးလောင်ပြီး ဒီခန္ဓာပင်ဟာ သေမှာပဲ.... ။ တစ်ခါတည်း အရှေ့ရှိတဲ့ သားလဲ စိတ်မချလို့ ပူပန်တဲ့ အစေးထွက်ပြီ... ၊ အနောက်ရှိတဲ့ သမီးလဲ စိတ်မချလို့ ပူပန်တဲ့ အစေးထွက်ပြီ.... ၊ ဒီအစေးကလဲ လောင်တတ်တဲ့ အစေးဖြစ်နေတယ်..... ။ ခင်ဗျားတို့ကလဲ အခုတ်ခံချင်ချင် ၊ အစေးကလဲ မခုတ်လေနဲ့... ခုတ်ရင်ထွက်မယ်..... ၊ ထွက်ရလို့ရှိရင်လဲ အလကားတော့ မရှိဘူး ၊ ဒီအပင်လောင်မယ်.... ၊ ရှင်းကြပလား.... ။ 🌚 အဲဒါကို ခင်ဗျားတို့ လူ့ဘဝဆိုတာ ဒီလိုနေရတာပဲဘုရား ၊ အေးတလှည့်, ပူတစ်လှည့်, ဆွေးတစ်လှည့်, ဒီလိုနေရတာပဲလို့ ခင်ဗျားတို့က ပြောနေတော့ ေဩာ်....လူ့ထုံးစံ ဒီလိုပဲလို့ အောက်မေ့ မနေနဲ့ ၊ မဟုတ်ပါဘူး ၊ အစေးခန်းတဲ့ လူတစ်မျိုး ၊ အစေးမခန်းတဲ့ လူတစ်မျိုး ၊ ရှင်းပလား..... ။ 🌝 အရိယာတွေကျတော့ ဘယ်အာရုံနဲ့တွေ့တွေ့ အစေးမထွက်ဘူး.... ၊ 🌚 ပုထုဇဉ်တွေ မှန်သရွေ့တော့ အစေးထွက်ပါတယ်.... ၊ 😊 အစေးထွက်တော့ကိုတဲ့... ၊ ဘယ်သူ သူတော် ကောင်းပါတယ် ၊ မကောင်းဘူးဆိုတာ... အစေးထွက် မထွက်ကို အကဲခတ်ပါ ၊ ရှင်းကြပလား....၊ အစေး ထွက်, မထွက်ကို အကဲခတ်ကြည့်တော့မှ... ရှင်းရှင်းလင်းလင်းပေါ်တယ်..... သဘောပါကြရဲ့လား... ။ 🔵 ခင်ဗျားတို့ ကိလေသာတွေက နဂိုက ပုတီးလေးစိပ် ၊ တရားကလေးအားထုတ်ပြီးသကာလ မဂ်ဥာဏ်, ဖိုလ်ဥာဏ်မဆိုက်သေးလို့ရှိရင် အောင်းနေတယ်... ၊ ရှင်းပလား.... ၊ မဂ်ဥာဏ်, ဖိုလ်ဥာဏ်ဆိုက်လို့ရှိရင်ဖြင့် အစေးခန်းတယ်... ၊ သဘောကျပလား.... ။ #မိုးကုတ်ဆရာတော်ဘုရားကြီး ( ၂၉.၅.၆၂) ..... " ခီရရုက္ခောပမသုတ် " တရားတော်မှ ...... ➖➖➖🙏🙏🙏➖➖➖ 🌷အေးချမ်းချင်ရင်တော့... အစေးခန်းအောင် အားထုတ်ကြပါလို့..... 🌷 စေတနာ မေတ္တာများစွာဖြင့်.... ဦးကြည်စံ - @phyuphway.1992