@sir_mila: आज 10 गते शनिवार जात्राको दोस्रो दिन गणेश, भैरव र कुमारीको रथलाई माथिल्लो टोलमा (थनेया) परिक्रमा गराइन्छ। नेपालको प्रसिद्ध सांस्कृतिक पर्व इन्द्रजात्राको सबैभन्दा मुख्य र आकर्षक पक्ष हो रथयात्रा । जात्रामा कुमारी, गणेश र भैरवको दर्शन गर्नाले सुख, समृद्धि र विघ्नबाधाहरू हट्ने जनविश्वास छ। मल्ल राजा गुणकामदेवले इन्द्रजात्राको सुरुवात गरेको मानिए पनि जीवित देवी कुमारीको स्थापना र कुमारी, गणेश तथा भैरवको रथयात्रा गराउने परम्परा राजा जयप्रकाश मल्लको पाला देखि सुरु भएको इतिहास छ। रथयात्रासँगै वसन्तपुर क्षेत्रमा लाखे नाच, पुलुकिसी नाच (ऐरावत हात्तीको प्रतीक), महाकाली नाच, भक्कु नाच र दशअवतार प्रदर्शन गरिन्छ। साथै, श्वेत भैरव र आकाश भैरवको मूर्ति सर्वसाधारणको दर्शनका लागि खुल्ला गरिन्छ। 📍Hanumandhoka Basantpur #ganesh #bhairav #kumari #indrajatra #traveldiaries