ကိုရင်လေးတွေ မွေးလို့မရတော့ဘူး ရဟန်းငယ်လေးတွေ လူချွတ်တယ် အမျိုးတွေ ပလ္လင်ပေါ်ချည်း မော်ဖူးပူဇော်နေကြချိန် အောက်မှာတော့ ဒေါက်တိုင်တွေကျိုးတယ်။ ပင်လယ်ကြီးကြည်သာလာတယ်ပေါ့ ကမ်းတွေဟာတအိအိပဲ့လို့ နေမင်းကြီးထွန်းလင်းတယ်ပေါ့ ပျိုးပင်လေးတွေဟာ သွေ့ခြောက် နွမ်းခွေလို့ 'မပျော်တော့ဘူးကွာ'တဲ့ အရင်းနှီးဆုံးသီတင်းသည်ထံကကြားရ 'ကျ .. မသွားအောင်တင်းထားကိုယ့်လူ' ဒီတောင်ကိုကျော်လည်း နောက်တောင်ကပိုမြင့်မှာပဲဟေ့ကောင် 'ရဟန္တာမဟုတ်ပါဘူးကွာ ရဟန္တာတွေသာသနာပြုပါလိမ့်မယ် တရားဟောမကောင်းဘူးကွာ တရားဟောအရှင်တွေသာသနာပြုပါလိမ့်မယ်။ ငါ့သိက္ခာနဲ့ငါ့ကျမ်းစာတွေကို ငါလွတ်ချလိုက်တော့မယ် ။ လွတ်သွားတဲ့ကျောင်းလေးကို မင်းဂရုစိုက်ပေးပါ ဆွမ်းမပြတ်လောင်းနေတဲ့အမယ်အိုကြီးကို မင်းချီးမြောက်ပေးပါ။ ငါ့ကို မေးသေးရင် ကြည့်ကျက်ဖြေပေးပါ။ ဟော့ဒီမှာ ငါ့သပိတ် ငါ့နှစ်ထပ်သင်္ကန်း ငါမဝတ်ရသေးတဲ့ သင်္ကန်းဒွိစုံ ငါမဖတ်ရသေးတဲ့ဝိသုဒ္ဓိမဂ်မင့်ကို လှူခဲ့မယ် ။ ငါ့အမေကို မမြင်စေချင်သေးဘူး ငါ့ဆရာကို မသိစေချင်သေးဘူး မင်း ဆက်ထိန်းပေးပါ။ ငါသွားမယ်ကွာ ငါပြန်လာတဲ့အခါ မင့်ကို ထောက်ကူနိုင်ပေးနိုင်မလား ငါ့တပည့်လေးစာသင်ပို့ထားတယ် မင်းဆက်လက်ပျိုးထောင်ပေးပါ သူ့ကိုလည်းမသိစေနဲ့ဦးကွာ အသက်စေ့ရင်ရဟန်းမယ်တော်ရှာပေးပါ ဘုရားလည်းအိုနေပြီ မင်းပြုပြင်နိုင်အောင်ရုန်းစမ်းပါ အောင်တော်မူတဲ့ ကမ္ဗည်းအသစ်တပ်လိုက်ကွာ ပြီးတော့ 'သိမ်' ဒါပဲသူငယ်ချင်း ငါတော့သွားတော့မယ် ငါ့သိက္ခာကိုချတော့မယ် ငါ့ကိုသိက္ခာချပေးပါတော့။ ''ဘုရားကိုစွန့်ပါ၏ တရားကိုစွန့်ပါ၏ သံဃာကို စွန့်ပါ၏ ဝိနည်း၊သိက္ခာ၊ပါတိမောက် ပါတိမောက္ခ ုဒ္ဒေသ ဆရာ၊အတူနေတပည့် အနီးနေတပည့် ဥပဇ္စျာယ်တူဆရာတူသူ သီတင်းဖော်တို့ကိုစွန့်ပါ၏ ငါ့ကို လူလို့မှတ်ပါ ငါ့ကို အရာမ်စောင့်၊သာမဏေ တိတ္ထိ၊တိတ္ထိသာဝက ရဟန်းမလို့ မမှတ်ပါနဲ့။ ငါ ဘုရားဖြင့် တော်ပြီ ငါ ဘုရားဖြင့် ဘာလုပ်ရမလဲ ငါ့့အား ဘုရားဖြင့် အကျိုးမရှိ ငါ ဘုရားမှကောင်းစွာ လွတ်ပြီ'' ရဟန်းတစ်ပါးရဲ့သိက္ခာချခန်းဟာ မျက်ရည်တချို့ ဝေ့ဝဲ ရှိုက်သံသဲ့သဲ့ဟာ ရင်ကိုဝင်ခွေ့တယ်။ ငါတို့ရဲ့သာသနာတော်ကြီးအတွက်ပါတဲ့ အမှိုက်တစ်စလွင့်ရှင်းသွားတယ်မှတ်ပါတဲ့ ပြောရက်လိုက်လေချင်းသူငယ်ချင်းရယ် ငါ့ကိုကျောခိုင်းထွက်ခွာသွားခဲ့တယ်။ ။ လင်းဝေ ( ကောလင်း ) #uzinnjack #သာသနာ့ဝန်ထမ်းရှင်ရဟန်း✨ #သာသနာ့ရောင်ဝါထွန်းစေချင်🙏🙏🙏🙏🙏 #foryou #frypgシ - @uzinn.jack