@thabit_omer_alnaeem:

Sudani ♥️🇸🇩🇸🇸 :

الذهب الأخضر في الأرض السمراء كيف تقلب زجاجة زيت عطرية صغيرة اقتصاد المزارع السوداني؟ يا جماعة، مرات القيمة الحقيقية للمحصول ما في كمية الأرض البتزرعها، لكن في العائد البتطلعو من الفدان الواحد. اتخيلوا معاي زجاجة صغيرة من زيت عطري، حجمها حوالي 120 ملي، ممكن تتباع بحوالي 18 دولار، وسعرها بزيد أكتر كل ما كان الزيت أنقى وجودتو أعلى. الزيت ده بطلع من نبتة بسيطة اسمها إبرة الراعي أو الجيرانيوم (Geranium)، وهي ما مجرد شجرة للزينة؛ دي نبتة مطلوبة في صناعة العطور، مستحضرات التجميل، والزيوت العطرية. والأهم من كده؟ ممكن تكون مناسبة للزراعة في السودان. وبعدين النبتة حقت إبرة الراعي دي من النباتات المعمرة، وممكن تقعد في الأرض حوالي 3 إلى 5 سنوات، يعني ما محتاج كل سنة تبدأ الزراعة من الصفر، وده ممكن يقلل تكاليف الزراعة. وهي بتحب الجو الدافي والمعتدل، وبتقدر تنمو في أنواع مختلفة من الأراضي بشرط يكون الصرف كويس، وما محتاجة كميات ضخمة من الموية مقارنة بمحاصيل تانية، خصوصاً لو استخدمنا الري بالتنقيط أو الرش. لو جينا لي القروش الموضوع ما في بيع النبتة نفسها، وإنما في استخراج الزيت العطري منها بالتقطير بالبخار. النبتة ممكن تتحصد حوالي 3 إلى 4 مرات في السنة، وحسب الأرقام المذكورة الفدان المخدوم كويس ممكن ينتج في الحشة الواحدة حوالي 15 إلى 20 كيلو من الزيت، وبحسب معدل الإنتاج السنوي المذكور ممكن يصل لحوالي 80 لتر زيت في السنة للفدان. ولو افترضنا متوسط سعر 200 دولار للتر، فالحساب البسيط بيدينا حوالي 16 ألف دولار إيراد إجمالي للفدان في السنة. يعني 144 مليار جنيه سوداني وطبعاً دي أرقام تقديرية، والربح الحقيقي بيتوقف على الإنتاج الفعلي، جودة الزيت، تكلفة الزراعة والتقطير، وسعر البيع في السوق. طيب حا تقولو لي العالم محتاج الزيت ده ليه؟ لأن زيت الجيرانيوم داخل في صناعات كبيرة، أهمها العطور ومستحضرات التجميل والعناية بالبشرة، بالإضافة لاستخدامه في الزيوت العطرية وبعض المنتجات الطبيعية. يعني بدل ما السودان يزرع المحصول ويبيعو خام بس، ممكن يدخل خطوة تانية: نزرع → نحصد → نستخلص الزيت → نعبّيه → ونصدر منتج عندو قيمة أعلى. وهنا الفرصة الحقيقية للسودان السودان عندو أراضي واسعة، شمس، ومناخات مختلفة، لكن المشكلة إننا في الغالب مركزين على محاصيل تقليدية، وفي محاصيل تانية ممكن تجيب قيمة أعلى من مساحة أصغر. وده ما معناه نوقف زراعة القمح والذرة والسمسم والمحاصيل الغذائية. بالعكس.. نزرع غذاءنا، وفي نفس الوقت نخصص جزء من الأراضي لمحاصيل عطرية وطبية وصناعية تجيب العملة الصعبة. إبرة الر

محمد :

يا اخونا ثابت جيب لينا منها خلينا نوطنا عندنا

Altayeb :

حالة نادرة 🧋 :

والبداية من رأس مال بسيط وبطلع منتج وفضلات ممكن تستفيد منها

د :

جزاك الله خير الجزاء

Sudani ♥️🇸🇩🇸🇸 :

المشكلة ما في قلة الموارد.. المشكلة في إننا غالباً بنبيع الخام ونخلي القيمة المضافة لغيرنا

Sudani ♥️🇸🇩🇸🇸 :

لو قدرنا نزرع ونصنّع ونستخلص ونصدّر، القيمة بتتضاعف.. ودي هي الزراعة البتجيب العملة الصعبة

Sudani ♥️🇸🇩🇸🇸 :

الفدان ما مفروض نقيسو بعدد الأطنان بس.. المفروض نسأل: الفدان ده جاب لينا كم دولار؟

Sudani ♥️🇸🇩🇸🇸 :

السودان ما فقير.. نحن بس لسه ما عرفنا قيمة الحاجات الموجودة في أرضنا

محمد علي عجب الدور ودكردفان🫡 :

💜💜💜

حسن الهادي :

[قلب أحمر][قلب أحمر][قلب أحمر]

، :

❤️❤️❤️