ကိုယ့်ကိုမကောင်းမြင်တဲ့သူ၊ မနာလိုတဲ့သူတွေကို ဘယ်လိုဆက်ဆံပေးရမလဲ? --------------------------------------- (ဓမ္မအမေးအဖြေ) မေး။ ။ အရှင်ဘုရားရှင် မကောင်းမြင်တဲ့လူတွေ Negative people တွေကျတော့ ဘယ်လိုဆက်ဆံရမလဲဘုရား။ ဖြေ။ ။သူတို့ကို သနားရမှာလေ၊ ကရုဏာ ထားရမယ်၊ ကိုယ့်ကိုမကောင်းမြင်တဲ့ လူတစ်ယောက်၊ လူတစ်ယောက်က ကိုယ့်ကိုကြည့်ပြီးတော့ မနာလိုဖြစ်ပြီးတော့ မကောင်းတာတွေပြောတယ် အတင်းပြောတယ်ဆိုရင် ဒီတိုင်းနေရင် သူ့ကို စိတ်ဆိုးတယ်။ သူတို့လည်း စိတ်ဆိုးတယ်။ တခါတခါကျတော့ သူတို့ရှိတဲ့နေရာမှာ ကိုယ် မသွားချင်ဘူး ကြောက်စိတ်တွေဝင်တယ် tension - တင်းမာမှု တွေဖြစ်တယ်။ ဒါ ဘာဖြစ်လို့တုန်းဆိုတော့ သူတို့ရဲ့ Negative အတွေးတွေကို ကိုယ်က မကိုင်တွယ်တတ်လို့။ သူတို့ Negative အတွေးရှိတဲ့လူက ပျော်ရွှင်တဲ့လူလား? မပျော်ရွှင်တဲ့လူလား? (မပျော်ရွှင်တဲ့လူပါ ဘုရား) မပျော်ရွှင်တဲ့လူကို " သြော် . . . သူက မပျော်ရွှင်တဲ့လူ ၊ သူ စိတ်ဒုက္ခရောက်နေတယ် ။ စိတ်ဒဏ်ရာဖြစ်နေတယ်။ သူ့ကိုယ်ကိုယ်ကို စိတ်ချမ်းသာအောင် မထားတတ်ဘူး" ဆိုပြီးတော့ သူ့ကိုသနားရမှာ ကရုဏာဖြစ်ရမှာတဲ့။ Compassion ဖြစ်ရမယ်။ အဲလို Compassion ဖြစ်တယ်ဆိုရင် သူပြောတဲ့ဟာ ကိုယ့်ကို မထိတော့ဘူး။ မထိရုံတင်မကဘူး သူ့ကိုပါ ကိုယ်က သနားလိုက်သေးတယ်။ သူများကို အပြစ်ပြောတယ်ဆိုတဲ့လူကလေ တစ်ဖက်လူကို နှိမ့်ချလိုတဲ့ သဘောနဲ့ နှိမ့်ချချင်တဲ့ စိတ်နဲ့ပြောတာ ။ ဒါပေမဲ့ နှိမ့်ချခံရတဲ့လူက တကယ်ကျသွားလား မကျဘူးလားဆိုရင် မကျဘူး။ သူများအတင်းပြောလို့ ကျတယ်ဆိုတာ ခဏပဲကျတာ။ အဲတော့ ဘာနဲ့တူတုန်းဆိုတော့ အတင်းပြောတဲ့လူက တစ်ဖက်လူကို သေစေချင်တာ။ တစ်ဖက်လူကို ဒဏ်ရာရစေချင်တာ။ အခြားလူတွေ အဲဒီလူနဲ့ အပေါင်းအသင်း မလုပ်စေချင်တာ။ တကယ် Negative အတွေးတွေဖြစ်တဲ့အခါကျတော့ တကယ်စိတ်ဆင်းရဲတာ ဘယ်သူဆင်းရဲလဲ? ပြောတဲ့သူက စိတ်ဆင်းရဲတယ်။ သေစေချင်တာတော့ တစ်ဖက်လူကို သေစေချင်တယ် ၊ ဒါပေမဲ့ အဆိပ်တုံးကို ဘယ်သူငုံတာတုန်း။ ပြောတဲ့သူ နှိမ်ချင်တဲ့သူက ငုံတာ။ ဒီတော့ တကယ်သေမှာ ဘယ်သူသေမှာတုန်း? နှိမ်တဲ့သူ အတင်းပြောတဲ့သူ ပဲသေမှာ။ ★ သေတယ်ဆိုတာ ပျော်ရွှင်မှုသေတာ၊ ဦးနှောက်ထဲက ပျော်တတ်တဲ့ hippocampus ဧရိယာကျုံ့သွားပြီး တဖြေးဖြေး အလုပ်ကောင်းကောင်းမလုပ်နိုင်တော့တာ..... သူများကို care လုပ်တယ် သူများကို မေတ္တာထားတဲ့သူက စိတ်ဓါတ်မကျတော့ဘူး။ သူများပြောတဲ့ဟာလည်း ကိုယ့်မထိတော့ဘူး။ အဲဒါလေး စမ်းကြည့်။ (ကျေးဇူးတော်ရှင်အောက်စဖို့ဒ်ဆရာတော် ပါမောက္ခ ဒေါက်တာဓမ္မသာမိ၏ “သင်နှင့် ကျွန်ုပ်တို့အတွက် ဗုဒ္ဓ၏ ဦးနှောက်အတွေးအခေါ်များ” ဟောကြားချက်မှအချို့ကိုကောက်နုတ်ပူဇော်ပါသည်) - @buddhathukha9