@balitaphl: Ipinagdiinan ni MANIBELA chairperson Mar Valbuena na hindi pa natatapos ang kanilang panawagan ukol sa taas-pasahe, kasunod ang pag-apruba ng Department of Transportation (DOTr) sa public utility vehicle (PUV) fare hike na epektibo sa darating na Lunes, Setyembre 28. “‘Yong fare increase po, ₱1 po, tama po ‘yon; at may succeeding siya na ₱2 per kilometer. So, okay na rin po ‘yon, maganda na rin po ‘yon,” saad ni Valbuena sa isang Facebook live noong Biyernes, Setyembre 25. Aniya, “Pero hindi natin sinasabi na tumitigil na po tayo dito. Kaya po natin itutuloy sa Lunes ‘yong ating protesta, para po ipanawagan pa ‘yong dagdag pa na ₱1 doon sa inaprubahan po ngayon o ini-lift na suspensyon.” “So, mayroon tayong ₱1, at hindi po tayo natatapos…,” dagdag pa niya. Gayunpaman, nagpasalamat pa rin siya matapos maaprubahan ang naturang dagdag-pasahe. “Nagpapasalamat tayo sa ating mahal na Pangulo[ng] Ferdinand ‘Bongbong’ Marcos, Jr. na kahit papaano, napakinggan po ‘yong ating panawagan, ‘di ba, p*tang ina, ito na ‘di ba, kahit papaano ‘di ba,” aniya. “Maraming salamat pa rin kahit papaano.” Anang MANIBELA chairperson, makakasama nila sa kanilang iraratsadang kilos-protesta ang ilang truckers, motorcycle taxi riders, transport network vehicle service (TNVS) drivers, jeepney operators, jeepney drivers, at iba pa. Samantala, tinawag namang “insulto” ng transport group na PISTON ang ₱1 fare hike para sa mga tradisyunal na jeepney. “Insulto ang pisong dagdag-pasahe samantalang nasa [₱]3000 kada araw na ang gastos ng ordinaryong tsuper ng jeep sa diesel,” saad ng PISTON sa ibinahagi nilang social media post noong Biyernes, Setyembre 25. #Balita #MarValbuena #MANIBELA #PUV #farehike @Manila Bulletin

Balita

Open In TikTok:

Region: PH

Saturday 26 September 2026 11:00:00 GMT