*خلیل زاد / د پاکستان ادعاوې له حقیقت څخه لرې او تر پوښتنې لاندې دي.!* ــ د افغانستان لپاره د امریکا پخواني ځانګړي استازي زلمي خلیلزاد، د ملګرو ملتونو په عمومي غونډې کې د پاکستان د لومړي وزیر شهباز شریف پر هغه وينا چې دافغانستان په باب یې کړې وه دنیوکه کړی ده! ‏ــ خلیلزاد لیکلي، چې د شهباز شریف دا ډول بشردوستانه ظاهر د هغې سختې او خونړۍ پالیسۍ خلاف دی چې اسلام‌ اباد په تېرو ۳۰ کلونو کې د افغانستان پر وړاندې پر مخ وړې ده. ‏ــ ښاغلی خلیل زاد ټینګار کړی چې د افغان ولس د هوساینې او حقونو لپاره د پاکستان ادعاوې له حقیقت څخه لرې او تر پوښتنې لاندې دي. ‏ــ د خلیلزاد په وینا، د هغې پالیسۍ په جلا پایلو کې د امريکايي پوځیانو پر ضد د توندلارو او تروریستي ډلو ملاتړ او بل خوا په پاکستان کې له افغان کډوالو سره تحقیر کوونکی او له کینې ډک چلند شامل دی، چې ټول ثبت شوي حقایق دي. ‏ــ د امریکا دغه پخواني ډیپلوماټ زیاته کړې چې افغانستان او پاکستان باید په خپلو کې خورا ښې او رښتینې اړیکې ولري، خو دا هدف هغه مهال شونی دی چې د دواړو هېوادونو په ستراتیژیکو اړیکو او د پاکستان په اوسنیو تګلارو کې یو اساسي او جدي «ریسیټ» (Reset) او بنسټیز بدلون رامنځته شي. د پاکستان لومړي وزیر شهباز شریف د ملګرو ملتونو د عمومي اسمبلۍ په ۸۱مه غونډه کې وویل، چې تحریک طالبان پاکستان او د بلوچستان ازادي غوښتونکی پوځ د افغانستان له خاورې څخه د پاکستان پر ضد کار اخلي. طالبانو بیا په وار وار د اسلام‌اباد دغه ډول څرګندونې رد کړي دي ،هغه وویل، د افغانستان د خلکو حقونه، په ځانګړې توګه د ښځو او نجونو حقونه، باید په هر ډول شرایطو کې مراعات شي. - @sfahim18