Magacaygu waa Abdifatah Ali Adan. Waxaana ku noolahay Dalka Jarmalka. Muddo ka badan 4 sano ayaan TikTok kusoo gudbinayay muuqaallo khayr ah oo kala duwan. Intii muddadaas ahayd, waxaan halkani ku bartay dad qiimo badan, waxaan helay taageero badan, Ilaa heer ey igu soo xirmeen in kabadan 600k oo Ruux. waxaana Allah ka rajaynayaa in waxyaabihii khayrka ahaa ee aan soo gudbiyay ay dad badan wax u tareen. Laakiin maanta waxaan qaatay go'aan ah inaan TikTok gabi ahaanba ka baxo. Sababaha go'aankan igu kallifay way badan yihiin, waxaana kamid ah: Waxaan aaminsanahay in muuqaallada aadka u gaagaaban iyo isbeddelka joogtada ah ee qofku daqiiqad kasta wax cusub daawanayo ay saamayn ku yeelan karaan dulqaadka iyo awoodda qofka uu ugu fiirsan karo wax muddo dheer soconaya. Maanta waxaa Xaqiiq ah inaan u Dulqaadan karin wax ina Anfacaya. Qof 24 saacadood ku dhex jira daawashada muuqaallo gaagaaban, Waxaa ku adkaan inuu Quran aqriyo, Inuu dhagaysto Muuqal Muxaadiro ah, Inuu Howl aabsado isagoonan wax dhagaysanaynin. Iyo Inuu qof la sheekaysto. Iyadoo uu Dulqaadku sidaa noogu yaraaday, bal suurayso qof ayaa ka hadlaya Arin ku saabsan Diinteena, Qofkaasi wuxuu Lacag kusoo qaatay inuu Diintaada Shubahaad kaaga Furo, oo uu ku jahwareeriyo. Anagana Quldanki oo yaraaday owgii, Ma awoodno inaan Diinteena barano, Si qofkaasi iyo kuwa kaloo fara badan uga difaacano Diinteena. Runtii naguma filna, Muuqalada Sheikh yada ee lasoo galiyo TikTokga, Waa muuqalo gaagaban. Ugu badnaana soconaya 1 daqiiqo Runtii manta Shubahaadkii wuu batay, Inaad Diintaada baratana waa lama Huraan. Muuqalada Gaagabana waa waxa ugu wayn ee manta naga hor istaagsan. Ogowna waxaa taa noosii dheer, 1.Shaydaan, 2. Nafteena 3. Hawadeena 4. Adunyada. waxaana aaminsanahay in qofka Muslimka ahi uu u baahan yahay inuu cilmigiisa ka qaato ilo lagu kalsoon yahay. Qofka dhab ahaan doonaya inuu Diintiisa barto, waxaan aaminsanahay in meelaha ugu habboon ay yihiin inuu ka barto culimo lagu kalsoon yahay, gaar ahaan isagoo si toos ah ula fariista caalim oo uu cilmiga ka qaato. Sidoo kale, maanta waxaa YouTube-ka ku jira duruus iyo muxaadarooyin badan oo faa'iido leh oo qofku si deggan uga faa'iidaysan karo. Dhammaan waxyaabahaas markii ay isbiirsadeen, waxaan go'aansaday inaan TikTok ka baxo. Laakiin… Muuqaalladii khayrka ahaa ee aan horay usoo geliyay kama saari doono insha allah. Waxaan Alle ka rajaynayaa in wixii khayr ahaa ee aan soo gudbiyay uu iga yeelo Sadaqo Jaariyah, oo ajarkeedu ii socdo xitaa marka aan dunidan ka tago. Haddii aad mar uun wax iga faa'iiday, waxaan kaa codsanaya inaad ii duceyso. Haddii aad aad maqasho geeridayda ii ducee. Haddii aad aragto muuqaal hore oo aan soo geliyey oo aad wax wanaagsan ka faa'iidaysato, ii ducee. Waxaan rajaynayaa in ducadaadu ii noqoto hadiyadda ugu quruxda badan ee aad ii reebi karto. Haddii aan maalin Qiyaamaha is aragno… Waxaan rajaynayaa inaad markhaati ka noqoto in wixii aan awooday oo khayr ah ee aan soo gudbin karay aan soo gudbiyay. Iyo inanan soo gudbin xunaam. Haddii aan khaldamay, Alle ha ii dhaafo.🤲 Haddii aan wax wanaagsan sheegay, Alle ha iga aqbalo.🤲 Haddii aad iga faa'iiday, Alle ha kaa abaalmariyo. Haddii aan kuu sheegay wax aan sax ahayn, Alle ha ii dhaafo, adigana ha kuu iftiimiyo xaqa. Waxaan Alle ka baryayaa… In wixii khayr ah ee aan soo gudbiyey uu ii noqdo cilmi laga faa'iidaysto. In qof kasta oo wax wanaagsan ka faa'iiday uu Alle u barakeeyo. In wixii khalad ahaa uu Alle iga dhaafo. In qalbigayga uu ku sugo Diinta. In dhammaadkaygu noqdo dhammaad wanaagsan. Iyo idinkaba insha allah. Iyo in waxa iga haraya marka aan dhinto aysan noqon kaliya followers, views iyo likes, balse ay noqdaan: Khayr Alle dartii loo sameeyey. Waxaa laga yaabaa in maanta aan leeyahay in kabadan 600K followers, laakiin maalinta aan qabriga galo 600K qof ilama geli doonan. Waxa ila geli doona waa camalkayga. Ilahay nama Fitneeyo, Diinteena aan ilaalsano insha allah. وَءَاخِرُ دَعْوَىٰهُمْ أَنِ ٱلْحَمْدُ لِلَّهِ رَبِّ ٱلْعَٰلَمِينَ والسلام عليكم ورحمة الله وبركاته 🤍 - @nuurka_islamka