@zhetisay.audany.a: ЖИЫН-ТЕРІМ НАУҚАНЫНДА ҚАУІПСІЗДІККЕ ТАЛАП КҮШЕЙТІЛДІ Күзгі жиын-терім науқаны – ауыл шаруашылығы саласы үшін аса жауапты кезең. Бұл уақытта егістік алқаптарында жұмыс қарқыны артып, жүк көліктерінің қозғалысы көбейеді. Ауданда жол қауіпсіздігін қамтамасыз ету, адам өмірі мен денсаулығына қауіп төндіретін жағдайлардың алдын алу бойынша аудан әкімі Серік Үсенұлы Мамытовтың тапсырмасына сәйкес рейдтік іс-шаралары ұйымдастырылуда. Жол жүру ережелерінің сақталуын қамтамасыз ету, жол-көлік оқиғаларының алдын алу, адам шығынына жол бермеу және мақта тасымалдайтын техникалардың белгіленген талаптарға сай жүруін бақылау мақсатында өтіп жатқан шараларға аудандық ауыл шаруашылығы және жер қатынастары бөлімі мен аудандық кәсіпкерлік бөлімінің мамандары, аудандық полиция бөлімінің инспекторлары жұмылдырылған. Зерделеу барысында жүк көліктерінің техникалық жағдайы, тасымалданатын жүктің белгіленген талаптарға сәйкестігі және жол қозғалысы ережелерінің сақталуы, көліктердің жарық шамдарының талапқа сай жұмыс істеуі, жарық қайтарғыш элементтерінің болуы жіті бақылауға алынуда. Себебі, техникалық жарамсыз көлікте белгіленген мөлшерден артық жүк тасымалдау, өзге жүргізушілерге жүк көлігін алыстан байқап, қозғалыс бағытын дер кезінде бағалауға мүмкіндік беретін жарық қайтарғыш элементтерінің болмауы көліктің басқарылуына әсер етіп қана қоймай, жол қозғалысына қауіп төндіреді. Рейд барысында жүргізушілерге жол қауіпсіздігі ережелері түсіндіріліп, заң талаптарын қатаң сақтау қажеттігі ескертілуде. Ал, белгіленген тәртіпті бұзған жүргізушілерге қолданыстағы заңнамаға сәйкес тиісті шаралар қабылданып, көлік құралдары айыптұраққа жеткізілуде. Күзгі жиын-терім науқаны кезінде қозғалыс көлемінің артуына байланысты жол қауіпсіздігіне қойылатын талап та күшейтіліп, рейдтік іс-шаралар алдағы уақытта тұрақты түрде жалғасатын болады. Жетісай ауданы әкімдігінің баспасөз қызметі

zhetisay.audany.akimdigi

Open In TikTok:

Region: KZ

Saturday 26 September 2026 10:43:36 GMT