اُنہیں اپنی زندگی میں رکھنے کی ضد آخر کب تک کی جا سکتی ہے؟ انسان اکثر کسی کے دل میں اپنی جگہ بنانے کے لیے خود کو بدلتا رہتا ہے، اپنی انا چھوڑتا ہے، خاموشیاں برداشت کرتا ہے، بار بار سمجھوتے کرتا ہے اور اپنی ذات کو تھکا دیتا ہے۔ صرف اس امید پر کہ شاید ایک دن سامنے والا آپ کی قدر سمجھ جائے گا۔ مگر ہر بار ایسا نہیں ہوتا۔ کچھ لوگوں کے دل میں آپ کے لیے جتنی جگہ ہوتی ہے، اُس سے زیادہ جگہ بنانے کے لیے آپ چاہے جتنا بھی خود کو توڑ لیں، وہ جگہ نہیں بنتی۔ اور پھر ایک وقت آتا ہے جب انسان سمجھ جاتا ہے کہ ہر دل میں رہنا ضروری نہیں ہوتا۔ لوگوں کے دل کوئی جنت تو نہیں کہ وہاں رہنے کے لیے انسان اپنی عزت، سکون اور خودداری قربان کرتا رہے۔ جو آپ کا مان نہیں رکھ سکتا، اُس کے سامنے خود کو ثابت کرتے رہنا بھی بے معنی ہے۔ محبت وہ نہیں جس میں آپ ہر روز خود کو تھکائیں تاکہ کوئی آپ کو رکھنے پر راضی ہو جائے؛ محبت وہ ہے جہاں آپ کی موجودگی خود ایک قدر ہو۔ اس لیے جہاں بار بار اپنی اہمیت یاد دلانی پڑے، وہاں تھوڑا سا پیچھے ہٹ جانا بہتر ہے۔ کیونکہ کچھ دروازے کھٹکھٹاتے رہنے سے نہیں کھلتے، بس یہ سمجھ آ جاتا ہے کہ اندر آپ کے لیے جگہ تھی ہی نہیں۔ ❤️‍🩹🥀 - @irfanquets6