@alaahassan5212: لسان الناس عمره ما هيسكت.. عيش حياتك ومتسمعش كلامهم. هتلبس كويس؟ هيتكلموا. هتشتغل؟ هيتكلموا. هتبدأ مشروع؟ هيتكلموا. هتنجح؟ برضه هيتكلموا! لو فضلت مستني رضا الناس، عمرك ما هتعيش حياتك زي ما نفسك، مش هتطلع ولا تدخل، ولا هتشتغل ولا هتبني ولا تعمر. اعمل اللي عليك، واسعى على رزقك، واعمل الصح، ومتخليش كلام الناس يعطلك عن طريقك. وافتكر دايمًا: «ودَعِ الملكَ للمالك». الدنيا كلها ملك لله، والرزق والستر والنجاح بيده سبحانه، فسيب أمرك لربنا ومتخافش من كلام الناس. وفي نفس الوقت، لو أنت من الناس اللي بتحب تتكلم عن غيرها، افتكر: «لسانك حصانك، إن صنته صانك، وإن هنته هانك». بلاش غيبة، وبلاش نميمة، وبلاش تتكلم على حد في غيابه. الكلمة مسؤولية، وكل كلمة بتقولها محسوبة عليك. اشغل نفسك بإصلاح نفسك، وسيب الخلق للخالق. لأن ببساطة: لسان الناس عمره ما هيسكت.. فعيش حياتك، واعمل اللي يرضي ربنا، وسيب كلام الناس وراك. ودَعِ الملكَ للمالك.