@esra.emad: 1. شوفوا تضاريس المنطقة على Google Maps افتحوا Layers → Terrain. الـTerrain بيساعدكم تشوفوا تضاريس وارتفاعات المنطقة، وبالتالي تعرفوا هل السكن موجود في منطقة مرتفعة ولا لأ. 2. حطوا السكن → الشاطئ أو السنتر واختاروا Walking 🚶♀️ لو ظهر لكم Elevation profile شوفوا فرق الارتفاع، لكن خدوا بالكم إنه مش بيظهر في كل الطرق. 3. افتحوا Street View وشوفوا الطريق بنفسكم، خصوصًا آخر كام شارع حوالين السكن. دوروا على طلوع شديد، سلالم أو طرق ممكن تكون مرهقة يوميًا. 4. ودي أهمممم نقطة بالنسبة لي: اقرأوا الـReviews! مش التقييم بس. ابحثوا جوه الـreviews عن كلمات زي: steep – hill – uphill – stairs – climb ممكن Review واحدة تكشف لكم حاجة مش هتشوفوها أبدًا في صور الفندق. ولو لسه مش متأكدين، اسألوا السكن نفسه. ابعتوا للفندق أو صاحب الـAirbnb واسألوه بشكل مباشر: “Is the walk back from the beach/center steep or uphill?” ومتسألوش بس How far is the beach? لأن 15 دقيقة مسطحة مش زي 15 دقيقة طلوع جبل. 😂 ودي بالضبط الحاجة اللي كنت أتمنى أعرفها قبل ما أحجز
