ته خو یی کن فیکون زه درنه غواړم سکون دا ناقلار ژوندون زما که په قلاره ربه زما دلداره ربه، زما دلداره ربه ته سراسر یې ښکلا ځکه مئین یم په تا ته مې چراغ د فکر ته مې د سترګو رڼا ته یې معنا د ژوندون زه درنه غواړم سکون ما دې محروم نه کړې د حسن د ګلزاره ربه زما دلداره ربه، زما دلداره ربه دنیا د غم نه ډکه شور او غوغا ده ځکه اسمان دی خړ په لوګو جوړ دی لړزان په زمکه راج دے د جنګ او جنون زه درنه غواړم سکون د جنګ پرستو لاس نیول غواړي سرکاره ربه زما دلداره ربه، زما دلداره ربه غړونه بانډې کلي دي که مې د ښار ښکلي دي د هر ګلاب په شونډو د اور لمبې بلې دي ټول دي بے حاله زبون زه درنه غواړم سکون رنګ مې د ژوند څانګې له راوړه نوبهاره ربه زما دلداره ربه ، زما دلداره ربه د واورو ډک ملکونه چینې چینې دي غرونه د اباسین او کابل چپې چپې سیندونه مري مې د تندې نه شپون زه درنه غواړم سکون جنت وطن مې یزیدیانو ته مه سپاره ربه زما دلداره ربه ، زما دلداره ربه سیاله دنیا ورانیږي نن یا سبا ورانیږی دي علامې د قیامت د ژوند ښکلا ورانیږی ډیر زورور دی بیلتون زه درنه غواړم سکون ظلم د زړه په نول اخته کړه کردګاره ربه زما دلداره ربه، زما دلداره ربه - @thepageofimagination