«سادة لون خمري» ما مجرد أغنية تسمعها وتعدّي الأغنية فيها جزء مننا من ذاكرتنا من شكلنا وطريقتنا في التعبير عن نفسنا كسودانيين وجود الثقافة السودانية في العمل ما جاي عشان تكون مجرد منظر أو إضافة للڤيديو لكن عشان يوري الناس إنو الفن السوداني قادر يحافظ على هويتو وفي نفس الوقت يتطور ويصل لناس برا السودان حليم عصام الساتي وعلي نصر الدين كل زول فيهم حضر بطريقتو وصوتو وأسلوبو والتلاتة في النهاية قدموا عمل واحد مربوط بروح سودانية واضحة والتعاون ذاتو رسالة: اختلاف الأساليب ما بمنع إنو الحاجة تطلع بصورة واحدة ومتناسقة وحاجة مهمة نفهمها لما نشوف اللبس السوداني التفاصيل الأجواء وطريقة تقديم الشخصية السودانية في العمل ما مفروض نتعامل معاها كأنها مجرد «ستايل» دي حاجات وراها تاريخ وذاكرة وهوية وأي ظهور ليها في عمل فني بيساعد الأجيال الجديدة تعرف إنو الثقافة دي جزء مننا وما حاجة مفروض نخجل منها أو نخليها تختفي الأغنية بتقول بطريقة فنية إنو السوداني ممكن يكون مواكب للعالم لكن في نفس الوقت يفضل سوداني فـ «سادة لون خمري» ما بس تعاون بين فنانين هي مساحة اجتمع فيها صوت حليم حضور عصام وأسلوب علي ومعاهم تفاصيل من الثقافة السودانية عشان يطلع العمل بصورة بتشبهنا وفي النهاية الفن ما بس صوت وموسيقى وصورة الفن مرات بيكون طريقة نحافظ بيها على الحاجات البتعرّفنا نحن منو احترموا الفن افهموا الفكرة واحترموا الثقافة البتظهر فيهو السودان عندو لون وصوت وهوية ودي حاجة تستاهل تتشاف وتتسمع 🇸🇩❤️ @Hleem Taj Alser @عصام ساتي @Ali Naseraldeen| |علي نصرالدين #تصميم_فيديوهات🎶🎤🎬 #ge3do #fyp #حليم_تاج_السر #عصام_ساتي - @ge3d4