🥀 ادھوری کہانی 💔 کچھ لوگ ہماری زندگی میں صرف اس لیے نہیں آتے کہ وہ ہمارے ساتھ رہیں… کچھ لوگ ہمیں محبت کا ایسا درد دے جاتے ہیں کہ ہم ساری زندگی اُن کے جانے کے بعد بھی اُنہیں بھلا نہیں پاتے۔ سب سے زیادہ تکلیف تب ہوتی ہے جب آپ کسی کو اپنی پوری دنیا سمجھ بیٹھتے ہیں، اور اُس کے لیے آپ صرف ایک گزر جانے والا لمحہ ہوتے ہیں۔ کچھ لوگ ہماری زندگی میں صرف ایک شخص بن کر نہیں آتے، بلکہ ہماری عادت، ہماری خوشی اور ہماری بہت سی یادوں کا حصہ بن جاتے ہیں۔ پھر جب وہ ہم سے دور ہو جاتے ہیں تو ہماری خوشیاں اور ہماری بہت سی یادیں بھی اُن کے ساتھ چلی جاتی ہیں۔ پھر جب وہ ہم سے دور ہو جاتے ہیں تو ایسا لگتا ہے جیسے زندگی میں سب کچھ ہوتے ہوئے بھی کچھ بہت ضروری کم ہے۔ میری کہانی بھی کچھ ایسی ہی ہے۔ وہ مجھ سے بچنے سے جانتی تھی اور میں اس سے۔ شروع میں ہمیں محبت کا مطلب بھی نہیں معلوم تھا۔ بس ایک دوسرے کے ساتھ وقت گزارنا اچھا لگتا تھا۔ کبھی چھوٹی چھوٹی باتوں پر ہنسی آ جاتی، کبھی ایک دوسرے سے بات کیے بغیر دل نہیں لگتا، اور کبھی بغیر کسی وجہ کے ایک دوسرے کو دیکھ کر ہنس دیا کرتے تھے۔ پھر آہستہ آہستہ سب کچھ بدلنے لگا۔ پتا ہی نہیں چلا کہ وہ بچپن کی شرارتیں کب محبت میں بدل گئیں، کب اُس کی باتیں میری زندگی کا حصہ بن گئیں، اور کب میں نے اُس کے ساتھ اپنی پوری زندگی کے خواب دیکھنے شروع کر دیے۔ میں نے کبھی نہیں سوچا تھا کہ جس شخص کے ساتھ میں نے مستقبل کے اتنے خواب دیکھے ہیں، ایک دن اُسی کے بغیر زندگی گزارنے کی کوشش کرنی پڑے گی۔ ہم نے بہت سے خواب دیکھے تھے۔ چھوٹی چھوٹی باتوں میں اپنا مستقبل ڈھونڈتے تھے۔ کبھی ہنستے ہوئے ایک دوسرے سے کہتے تھے کہ ہم ہمیشہ ساتھ رہیں گے۔ کبھی مذاق مذاق میں ایسی باتیں کر جاتے تھے جو اُس وقت بہت معمولی لگتی تھیں، مگر آج وہی باتیں دل میں ایک عجیب سا درد پیدا کرتی ہیں۔ کاش اُس وقت ہمیں معلوم ہوتا کہ کچھ وعدے صرف یادیں بننے کے لیے کیے جاتے ہیں، اور کچھ لوگ ہمیشہ ساتھ رہنے کی باتیں کرکے بھی ایک دن ہمیشہ کے لیے دور ہو جاتے ہیں۔ ہماری باتوں میں پہلے جیسی بات نہیں رہی۔ چھوٹی چھوٹی باتوں پر ناراضی ہونے لگی۔ کبھی میں ناراض ہوتا، کبھی وہ۔ کبھی میری غلطی ہوتی، کبھی اُس کی۔ مگر ہم دونوں کے درمیان خاموشی آہستہ آہستہ ایک دیوار بننے لگی۔ میں ہر بار یہی سوچتا تھا کہ سب ٹھیک ہو جائے گا۔ میں اسے کھونا نہیں چاہتا تھا۔ میں نے بہت کوشش کی کہ ہمارے درمیان جو کچھ بھی خراب ہو رہا ہے، اُسے سنبھال لوں۔ مگر شاید کچھ رشتے صرف ایک شخص کی کوشش سے نہیں بچائے جا سکتے۔ پھر ایک دن ایسا آیا جب ہم دونوں ایک دوسرے سے دور ہو گئے۔ وہ شخص جس سے بات کیے بغیر میرا دن مکمل نہیں ہوتا تھا، اب اُس سے بات کرنے کے لیے بھی میرے پاس کوئی راستہ نہیں تھا۔ میں نے خود کو بہت سمجھایا کہ وقت کے ساتھ سب ٹھیک ہو جائے گا، مگر کچھ یادیں وقت کے ساتھ کم نہیں ہوتیں، بلکہ انسان کے اندر مزید گہری ہوتی چلی جاتی ہیں۔ آج بھی کبھی اُس کی یاد آتی ہے تو دل میں بہت سے سوال پیدا ہوتے ہیں۔ کیا وہ بھی کبھی مجھے یاد کرتی ہوگی؟ کیا اُس کے دل میں بھی کبھی ہماری پرانی باتیں زندہ ہوتی ہوں گی؟ کیا کبھی اُسے بھی وہ دن یاد آتے ہوں گے جب ہم ایک دوسرے کے بغیر رہنے کا تصور بھی نہیں کر سکتے تھے؟ یا پھر اُس نے واقعی مجھے اپنی زندگی سے ایسے نکال دیا ہے جیسے میں کبھی اُس کی زندگی میں تھا ہی نہیں؟ مجھے نہیں معلوم۔ شاید وہ اپنی زندگی میں آگے بڑھ چکی ہے۔ شاید اُس نے اپنے لیے ایک نئی دنیا بنا لی ہے۔ شاید اب اُسے میری یاد بھی نہیں آتی۔ مگر میں آج بھی کبھی کبھی اُن یادوں میں کھو جاتا ہوں جن میں ہم دونوں ساتھ تھے۔ سب سے زیادہ تکلیف اُس وقت ہوتی ہے جب آپ کسی کو بھلانے کی پوری کوشش کر رہے ہوتے ہیں، مگر زندگی کا کوئی نہ کوئی لمحہ آپ کو اُس کی یاد دلا دیتا ہے۔ کبھی کوئی گانا سن کر اُس کی یاد آ جاتی ہے، کبھی کسی راستے سے گزرتے ہوئے وہ لمحے یاد آ جاتے ہیں، اور کبھی رات کی خاموشی میں اُس کی باتیں ذہن میں گونجنے لگتی ہیں۔ میں نے بہت کوشش کی کہ خود کو مصروف رکھوں، لوگوں کے ساتھ بیٹھوں، ہنسوں، باتیں کروں، مگر کچھ درد ایسے ہوتے ہیں جو انسان کے اندر رہتے ہیں اور کسی کو نظر نہیں آتے۔ لوگ سمجھتے ہیں کہ میں ٹھیک ہوں۔ میں بھی اُن کے سامنے یہی ظاہر کرتا ہوں کہ سب ٹھیک ہے۔ مگر حقیقت یہ ہے کہ کچھ یادیں آج بھی میرے دل میں ویسے ہی زندہ ہیں جیسے کل کی بات ہو۔ کاش ہم ایک بار پھر وہی دن جی سکیں، جب ہمارے درمیان کوئی فاصلے نہیں تھے، کوئی شکایتیں نہیں تھیں، اور ہمیں ایک دوسرے کو کھونے کا خوف بھی نہیں تھا۔ مگر زندگی میں ہر خواہش پوری نہیں ہوتی۔ کچھ لوگ ہماری زندگی میں آتے ہیں، ہمیں محبت کرنا سکھاتے ہیں، ہمیں خواب دیکھنا سکھاتے ہیں، اور پھر ہمیں اُن خوابوں کے بغیر جینا سکھا کر چلے جاتے ہیں۔ #💔💔 - @apkashahab