@giorgadzelevan: 5 ბიზნესი დავიწყე. იქიდან 4 არ გამოვიდა. და მაინც გეუბნები: დაიწყე შენი საქმე სამსახურიდან წამოუსვლელად! 🛑 სოციალურ ქსელებში ყველა ერთსა და იმავეს გაიძახის: „დაწვი ხიდები, წამოდი სამსახურიდან და 100%-ით გარისკე“. კი, რისკის გარეშე ბიზნესი არ არსებობს, მაგრამ რა დოზით? როცა ოჯახი გყავს, პასუხისმგებლობები გაწევს და იდეა ბაზარზე ჯერ დატესტილიც არ გაქვს — ხიდების დაწვა ყველაზე სწრაფი გზაა უფულოდ და სრულ გაურკვევლობაში დარჩენისთვის. ჩემი ბიზნეს-გზა ასე გამოიყურებოდა: ❌ 1. „გალფში“ ვიყავი ფინანსური დირექტორი, როცა ტანსაცმლის ატელიე დავიწყე — 3 თვეში დავხურე. ❌ 2. მეგობრებთან ერთად ღამის კლუბი გავხსენი — ეგეც 3 თვეში დავკეტეთ. 👟 3. „სოკარში“ მუშაობისას CROSTY დავიწყე — ეს ცალკე გრძელი და საინტერესო ისტორიაა, რომელსაც აუცილებლად მოგიყვებით. ❌ 4. პატარა ონლაინ კომერციის პროექტი — ბაზრის არასათანადო კვლევის გამო მალევე გავაჩერე. ✅ 5. Bubblehead, საგანმანათლებლო პროექტები და პრაქტიკული კურსები — რაც დღეს ძალიან წარმატებულად ვითარდება. იცით, რა იყო მთავარი? ხუთივე დავიწყე სამსახურის პარალელურად. ჩემი ხელფასი იყო ჩემი პირველი ინვესტორიცა და დაზღვევაც. ბიზნესი სარისკოა: ან გამოვა, ან არა. სწორედ ამ სტაბილურმა შემოსავალმა მომცა საშუალება, რომ ეს 4 წაქცევა ფატალური არ გამხდარიყო. უბრალოდ კარგი ჩაფხუტი მეხურა. საკუთარი საქმის დასაწყებად სამსახურის მიტოვება არ გჭირდება. გჭირდება კვირაში რამდენიმე საათის გამოყოფა, დისციპლინა და პირველი რეალური მომხმარებელი. ხოლო როცა იდეა დაიტესტება და შემოსავალი წამოვა — თავით გადახტომას მერეც მოასწრებ. შენ რა გიშლის ხელს პირველი ნაბიჯის გადადგმაში — დროის ნაკლებობა თუ რისკის შიში? დაწერე კომენტარებში #მეწარმეობა #ბიზნესი #სტრატეგია #სტარტაპი #გამოცდილება

Levan Giorgadze

Open In TikTok:

Region: GE

Monday 28 September 2026 09:00:00 GMT