🌱የሰውን ሀይማኖት አታጣጥል፣የሰውን እውቀት አትናቅ፣ የሰውን ፍቅር አታወዳድቅ፣የሰውን መልካም ጅማሮ አታወዳድቅ፤ሰው በጉልበቱ ደክሞ ያመጣውን ትንሽዬ ገንዘብ አትናቅ፤የሰው ልጅ ህይወቱን ለማሸነፍ ዝቅ ብሎ የሚሰራውን ስራ አታጣጥል፤የሰው ልጅ ብዙ ዋጋ ከፍሎ የደረሰበትን ደረጃ አታሳንስ፤የሰው ፊት እየገረፈው፣ብዙ ፈተና አልፎ የገነባውን ቤት አትናቅ፣የሰው ልጅ በላቡ ለፍቶ በእሳት ተለብልቦ ሰርቶ ያቀረበልህን ቁራሽ እንጀራ አትናቅ፣ በሰው ፊት እየተተቸና እየተጠላ በጥረቱ የደረሰበትን ከፍታ አትናቅ። 🌱ሁሉም ሰው የዛሬ ደረጃው ላይ ለመድረስ ማንም ሳያየው የከፈለው ብዙ መሱዓትነት እንዳለ አስተውል።መናቅ ቀላል ህመሙ የሚሰማህ ተንቀህ ስታየው ብቻ አይሁን በመመርመር አስተውል እንጅ።ምንም ቢሆን መናቅና ማንቋሸሽ የመጨረሻ ምርጫህ ሊሆን አይገባም።ሰዎች ነን በሰውነታችን ብቻ ሁላችንም ክብር ይገባናል፣በማንም ዘንድ ልንናቅና ልንዋረድ አይገባም።የምንናገረው፣የምናደርገው ነገር፣ የምናጠፋው ጥፋት ከሰውነታችን በኋላ የሚመጣ ነገር ነው። ፍፁም ሰው የለምና ሁሉም ይስታል፣ሁሉም ተደናቅፎ ይወድቃል በፈጣሪ እርዳታ አንድ ቀን ደግሞ ቀና ይላል። 🌱ማንንም ወድቆ ብታየው በመውደቁ ልትንቀው፣ልትሳለቅበትና ክብሩን ልትነፍገው ትችል ይሆናል፣ ነገር ግን ነገ የት መድረስ እንደሚችል አታውቅም።ሰውን በሰውነቱ ከመለካት ይልቅ ባለው ነገር፣ባለበት ሁኔታ፣በገጠመው ችግር፣በደረሰበት ነገር ለመለካት እንቸኩላለን።ሰምተህ እንዳልሰማህ ማለፍ የሚገባህ ነገር ይኖራል፣ሰው ግን በጊዜያዊ ማንነቱና ባጣው ነገር ምክንያት ሊናቅና ሊንቋሸሽ የሚችል ፍጡር አይደለም። 🌱ማንንም አትናቅ! ያጣ፣የገረጣ፣ከፈጣሪና ከእራሱ በላይ ምንም የሌለው ሰው ብታገኝ ከመናቅ በላይ ሃዘኔታን አስቀድም፤በመልካምነት እጅህን ዘርጋለት፣ልብህን አራራለት።ማንም ሰው የእራሱ የግል ሸክም አለበትና በሸክሙ ላይ በንቀት ውስጡን አትጉዳው።ነገሮች በምክንያት ይሆናሉ፤ሰውን እየናቅክ ክብርን ልታገኝ አትችልም፤ሰውን እያንቋሸሽክ በሰው ዘንድ ቦታ ሊኖርህ አይችልም።የሰጠሀው መመለሱ ሳይታለም የተፈታ ነገር ነውና ባንተ እንዲደረግ የማትፈልገውን በሰው ላይ አታድርግ። 🌱ለሰው ቅን ሆንክም ክፉ ስራህ በሔድክበት ይከተልሃል፣ባለህበት እርሱም ይኖራል።ንቀት መናቅን ይወልዳል፤ማንቋሸሽ መንቋሸሽን ያመጣል፤መጠየፍ መገለልን ያስከትላል።ባናደርገው እንኳን ውስጣችን ያለው መጥፎ ስሜት በብዙ መልኩ ይገለጣል።አንደኛውም መገለጫ ንቀት ነው፤ለሰዎች ክብር አለመስጠት ነው።የሰዎች ታሪክ ይቀየራል።እድሜ ልክህን አለቃ ሆነህ አትኖርም፤ እድሜህን ሁሉ መሪ ሆነህ አትቀጥልም።አንድ ቀን ከአለቅነትህ ትወርዳለህ፣የመሪነት ስፍራህን ትለቃለህ። በተራህ አለቃ ይሾምብሃል፤በሌላ መሪም ትመራለህ። 🌱በሔድክበት ሁሉ ለሰው ልጅ ክብር ይኑርህ፤አዛኝ ልብ ይኑርህ፣ ከአቅም በላይ ችግር ካልገጠመህ ሰውን አስቀድም፣ ማንንም በትህትና ለማሸነፍ ሞክር። ውስጥህን በሚገባ አፅዳው፣በንፁህ መልካም ስብዕና አንፀው። ውስጥህ የሚመላለሰው ሃሳብ ሁሌም ይከተልሃል።አሉታዊ አስተሳሰብ በውስጥህ ቢመላለስ ውጩም የምታገኘው የዚህኑ አስተሳሰብ ነፀብራቅ ነው።አምላክ ሰውን የሚደግፈው ራሱ ከሰማይ ወርዶ አይደለም።ይህን ሊያደርግ የሚችለውም በሰው በኩል ባንተ ውስጥ አድሮ ነው።ሰውን ብትንቅ የምትንቀው ራስህን እንደሆነ እወቅ። 🌱አጎንብሶ የሚያገለግልህ ሰው አንድ ቀን ቀና ይላል፤አንተ ካለህበት ስፍራም ከፍ ይላል።በደና ጊዜ ብታከብረውም ያከብርሃል፤በደጉ ወቅት ጊዜ ብትሰጠውም ሳይሰስት ጊዜ ይሰጥሃል።የሰጠኸው መመለሱ ላይቀር እንዲደረግብህ የማትፈልገውን ነገር በማንም ላይ አታድርግ፤በብዙ እጥፍ ማግኘት የምትፈልገውንም ነገር ሳትሰስት ለሚያስፈልገውን ሁሉ ስጥ!!! ሁሉም ሰው ይማርበት ዘንድ ሸር አድርጉት🙏🏾 እግዚአብሔር ማስተዋልን ጥበብን እውቀትን ከፍቅር ጋር ይስጠን አሜን🙏እግዚአብሔር ብርሃኔና-መድሃኒቴ ነው። - @zelealem.official