#koya سڵاو لەو ڕۆژانەی کە بەپەلە ڕۆشتن و ئیتر ناگەڕێنەوە، سڵاو لەو یادگارییانەی کە سەرەڕای تێپەڕینی کات هێشتا وەک برینێکی تازە لە ناخمدا دەکوڵێن و تەواوی وجودم داگیر دەکەن... نازانم کاتێک ئەم نامەیەت بەدەست دەگات یان چاوەکانت بەسەر ئەم دێڕانەدا دەتڵێن، لە کوێی ئەم جیهانە گەورە و سەردەدا وەستاویت، یان لە ناخی خۆتدا خەریکی چ بێدەنگی و ئارامییەکی، بەڵام بۆ من ئیتر مەحاڵ بوو لەوە زیاتر ئەم تەقینەوە ناخە بشارمەوە. ویستم بۆ جارێکیش بێت ئەم بێدەنگییە سەخت و کشوماتە بشکێنم و ئەوەی ساڵانێکە لە سینگمدا زیندانی کراوە و هەناسەم لێ دەبڕێت، بە بێپەردەیی بڕژێنمە سەر کاغەز. ڕۆشتنی تۆ تەنها جێهێشتنی کەسێک یان ماڵئاواییەکی سادەی ناو چیڕۆکەکان نەبوو، بەڵکو وەک بوومەلەرزەیەکی وێرانکەر بوو کە هەموو ئەو جیهانەی ڕوخاند کە بەیەکەوە و بە هەزاران خەون و هیوای بچووک و گەورە لەسەر بەردی ڕاستگۆیی دروستمان کردبوو. لەو ڕۆژەوەی پێنگاوەکانت لە من دوور کەوتنەوە، هەموو شتێک لە دەوروبەرمدا ڕەنگ و سەفای خۆی لەدەست دا؛ بەیانییان ڕووناکی خۆر جۆرێک لە ساردیی و تەنیایی لەگەڵ خۆی دەهێنێت و شەوانیش وەک زیندانێکی تاریک و درێژژژ دەست بەسەر خەیاڵمدا دەگرن. لەگەڵ ئاوابوونی خۆردا، شەپۆلێکی قورس لە یادگارییەکانت دەپەڕنەوە ناو جیهانی تەنیاییم و هەموو ئەو برینانە دەکولێننەوە کە پێم وابوو ڕێڕەوی ڕۆژگار و گوزەری کات سارێژی کردوون. دەزانم ڕێگەکانمان بە تەواوی لە یەکتر جیا بوونەوە و ڕەنگە جیهان و ڕۆژگار هەرگیز ئەو دەرفەتەمان پێ نەدەنەوە کە جارێکی تر لە نزیکەوە بە بێدەنگی سەیری چاوی یەکتر بگەین یان گوێمان لە دەنگی هەناسەکانی یەکتر بێت، بەڵام نازانیت چەند قورس و بڕستبڕە کاتێک ڕۆژانە لەناو خەڵک و قەرەباڵغیدا دەسوڕێیتەوە و کەچی تەواوی شار بە چۆڵی و بە ڕەنگی چاوەکانی تۆدا دەبینیت. هەموو سووچێکی ئەم شارە، هەموو ئەو شەقام و شۆستە باریکانەی ڕۆژێک دەست لەناو دەست پیاسەمان تێدا کردوون، هەموو ئەو گۆرانییانەی کە لە درەنگانی شەودا بەیەکەوە گوێمان لێ دەگرتن و وشە بە وشەمان دەوتەوە، هێشتا بێوچان و بێزاربوونی ناوی تۆ لە گوێچکەمدا دەڵێنەوە. تۆ ڕۆشتی و بە جەستە لە لای من نەماویت، بەڵام شوێنپێی دەستەکانت، تۆنی دەنگت و هزر و یادگاریت لەسەر بچووکترین وردەکارییەکانی ژیانی ڕۆژانەمدا وا چەقیون کە هیچ ڕەشکردنەوەیەک توانای سڕینەوەیان نییە. هەندێک جار لە تەنیایی قووڵی شەودا دەوەستم، لە پەنجەرەی ژوورەکەمەوە دەڕوانمە ئاسمانی بێدەنگ و لە خۆم دەپرسم: ئایا تۆش لەو سووچەی جیهاندا بۆ ساتێکیش بێت دەوەستیت؟ ئایا بیر لەو بەڵێن و دەق و دەقە وردانە دەکەیتەوە کە لەنێوانماندا وەک پەیمانێکی پیرۆز ڕوویان دا؟ ئایا هیچ شتێک، هیچ گۆرانییەک، هیچ بۆنێک یان وشەیەکی سادە لە ڕۆژگارەکەتدا هەیە کە بۆ چەند چڕکەیەک من و ئەو ڕۆژانەت بە بیر بهێنێتەوە؟ یان تۆ توانیت بەبێ هیچ ئازار و ڕاڕاییەک لاپەڕەکە هەڵبڕیتەوە و هەموو شتێک لەپشت سەرتەوە وەک خەونێکی کاتی بەجێبهێڵیت و لەبیری بپۆشیت؟ من باوەڕ بکە زۆر هەوڵم دا، بە هەزاران ڕێگە و کۆڵان لەناو خەیاڵمدا ڕۆشتم بۆ ئەوەی ناوت لە یادمدا بسڕمەوە، بێدەنگ بگوێزمەوە بۆ شوێنێکی تر و خۆم خەریک بکەم بە دنیایەکی نوێوە، بەڵام ڕاستییە تاڵەکە ئەوەیە کە تێگەیشتم بەشێکی زۆر گەورە لە ڕوح و ناخی من لەگەڵ تۆدا ڕۆشتووە و ئیدی هەرگیز ناگەڕێتەوە بۆ جەستەم. کاتێک ئاوا بێدەنگ و بێ وەڵام جێم دەهێڵیت، وەک ئەوە وایە تەواوی تەمەن و ڕۆژگاری ڕابردووم لەناو تەمومژێکی قورس و نادیاردا بەجێهێشتبێت، شار بۆ من بووەتە زیندانێکی گەورەی بێ دیوار کە بە تەنها تێیدا دەخولێمەوە و ڕێگەی دەربازبوون لە یادگارییەکانت نادۆزمەوە. ژیان بەبێ تۆ نەک هەر بێتاعم بووە، بەڵکو بووەتە زنجیرەیەک لە ڕۆژانی دووبارە کە تەنها تێیاندا هەناسە دەدم بێ ئەوەی هەست بە بوونی خۆم بکەم. لەگەڵ ئەم هەموو ئازار و خەمە قورسەشدا، من نەمویست بەم دەقە بێزارت بکەم، نەمویست بێزاری یان بارگرانییەک بۆ ژیانی ئێستات و داهاتووت دروست بڕەخسێنم، تەنها ویستم پەیامێک لە قوڵایی ناخی دڵمەوە بۆ ناخی تۆ بەجێبهێڵم؛ بایت بزانیت لەگەڵ هەموو ئەم دوورییە سەختە، ئەم بێدەنگییە تاڵە و ئەو دیوارە بەرزەی کە لەنێوانماندا دروست بووە، هێشتا ڕێزێکی بێئەندازە و هەستێکی پاکم بۆ ئەو ڕۆژ و ساتانە هەیە کە پێکەوە خەوتمان دەبینی. هەتا هەتایە هیواخوازم لە هەر شوێنێکیت و لەگەڵ هەر چارەنووسێکدا دەژیت، ئارامیی ڕاستەقینە لە دڵتدا بێت، خەندەی بێغەش لەسەر لێوەکانت بێت و ژیان زۆر میهرەبانتر بێت لەوەی کە لەگەڵ مندا بوو، تەنانەت ئەگەر منیش تەنها ئەکتەرێکی فەرامۆشکراو یان خەونێکی کاڵبووەوە بم لە مێژووی ژیانتدا.💔 - @cherok67