اى المعلومات الغلط اللى بتقوليها دى العربية دى مش هى اللى خبطتها والى. خبطها اسمو مش بيتقال عشان ابن نائب تقريبا بطلو تضليل بقي
2026-10-10 08:42:23
0
Mona Khames👑👑 :
انتي بتقولي ايه مش العربيه النقل اللي داستها وبعدين فين باقي التفاصيل عن اللي موتها و الاستهتار ب الارواح
2026-09-28 06:11:18
0
رساله شكر :
«من لا يشكر الناس لا يشكر الله»
الرسالة دي يمكن تكون متأخرة 15 سنة، بس نفسي توصل لصاحبها، أو توصل لأي حد من أهله.
أنا بدوّر على إنسان اسمه العميد عاطف، وكان عميد في البحرية، وكان ساكن في المندرة في إسكندرية، وكان عنده شقة في مدينة فيصل في إسكندرية.
من حوالي 15 سنة، كنت عايشة أنا وجوزي وولادي في بيت أهل جوزي، في بيت العيلة في الريف.
وجوزي كان شغال في المدينة، وكان بيرجع لنا كل 15 يوم تقريبًا، وأحيانًا كان بييجي مرة في النص، يوصل الساعة 10 بالليل ويمشي الصبح الساعة 7.
يعني ما كانش عنده وقت كفاية يشبع من ولاده ولا يقعد معاهم ويعيش معاهم حياتهم.
وكان جنب شغله مسجد، وجوزي كان بيصلي فيه، وربنا كان وهبه صوت حلو في القرآن، وكان أوقات بيبقى إمام للناس.
وفي يوم، العميد عاطف سأله:
«إنت كنت فين؟»
وجوزي حكاله ظروفنا.
فقال له:
«طب وليه البهدلة دي؟ أنا عندي شقة صغيرة فيها شوية حاجات بسيطة، اركنهم على جنب، وهات عفش بسيط واسكن فيها إنت وولادك سنه لحد ما ربنا يكرمك.»
جوزي رجع وحكى لوالدته، ربنا يجزيها عنا كل خير وحماتي وافقت، وروحنا فعلًا قعدنا في الشقة.
هو قال سنة…
لكن السنة بقت تلات سنين.
تلات سنين الراجل ده ما طلبش مننا إيجار، وما منّش علينا، وما قالش لنا إنتوا قاعدين عندي ببلاش، ولا استعجلنا نمشي، ولا كل شوية يسألنا: هتمشوا إمتى؟
سابنا عايشين في الشقة براحتنا، كأنها شقتنا بالظبط.
وخلال التلات سنين دول، حصل في حياتي خير كتير.
اتعلمت نور البيان والتجويد، وحفظت قدر كبير من القرآن، واشتغلت في حضانة وعلمت أطفال، وعلمت ولادي.
والحمد لله، منهم اللي ختم القرآن، ومنهم اللي قرب يختم.
وعشان كده أنا دايمًا بقول: يمكن الموقف اللي عمله العميد عاطف كان سبب من الأسباب اللي ربنا فتح لنا بيها أبواب الخير وفي آخر التلت سنين العميد عاطف نقل من المكان اللي كان فيه، وإحنا ما عرفناش نقل فين. كنا بنتواصل معاه من خلال التليفون
وبعد ما ظروفنا اتحسنت، وقدرنا نأجر شقه تانيه قلنا خلاص، كفاية كده على الراجل، وسبناله الشقة.
وبعد فترة قصيرة جدًا، العميد عاطف باع الشقة.
وساعتها عرفت أكتر قيمة اللي عمله معانا، لأنه كان ممكن يكون محتاج الشقة، لكنه عمره ما ضغط علينا ولا طلبها ولا استعجلنا.
ومن ساعتها وأنا نفسي أوصله وأشكره هوا وزوجته واولاده لانهم على المعروف إللي عملوه معانا
لكن للأسف، رقم تليفونه ضاع من تليفون جوزي القديم بسبب مشكلة حصلت فيه، وجوزي حاول يدور عليه على فيسبوك، لكن ما قدرناش نوصل له.
فقلت يمكن الرسالة دي تكون سبب إننا نوصله.
يمكن حد يعرفه، يمكن حد من أولاده أو أهله ي
2026-09-28 21:55:04
0
To see more videos from user @alshamseg, please go to the Tikwm
homepage.