#မြ #fypシ゚viral # 🍀အရိပ်ရှည်တံဆိပ်များအောက်က ငယ်ဘဝ🍀 အပိုင်း(၅၁) လက်ရှိတပ်ချုပ်ကြီး ရဲ့ အရာရှိကတော်တွေကို သတိပေးပြောကြားတဲ့စကားလေးကို ဖတ်မိတော့ အတော်သဘောကျမိတယ်။ အဲဒါနဲ့တဆက်ထဲအပါးတပ်ရင်းမှူးဖြစ်ခဲ့တုန်းက ဖြစ်စဉ်တခုကိုသတိရသွားပါတယ်။ အပါးတို့တပ်တွေ ရှေ့တန်းပြန်ရောက်ချိန် ဆိုရင် တပ်မှာ တော်တော အလုပ်ရှုပ်ကြပါတယ်။ ပုံမှန်ဆိုရင် တိတ် ဆိတ် နေပြီး နေစဉ်လှုပ်ရှားမှုတွေနဲ့သာ ဖြစ်နေခဲ့တဲ့တပ်က ရှေ့တန်းကနေ ပြန်လာပြီဆိုရင် ရှုပ်ရှက်ခပ် သွားလာနေကြပြီး ပွဲတွေကလည်း တစ်ခုပြီး တစ်ခုပါဘဲ။ တပ်ပြန်ရောက်ပြီးလလယ်လောက်ထင်ပါတယ် အပါးက အပြင်ကိုသွားဖို့ ကိစ္စတစ်ခုရှိပြီး အမိုးလည်းလိုက်ရမှာပါ။ မသွားခင် တပ်ကို မှာစရာရှိတော့ တပါးထဲ အမိုးကိုပါ ခေါ်ပြီး မာဇဒါ ဂျစ်နဲ့ တပ်တွင်းရုံးကိုဝင်ပါတယ်။ တပ်တွင်းရုံးအတွင်းက သက်ဆိုင်ရာ ရေး၊ထောက်အရာရှိတွေ နောက်တန်းမှူး ဒုတပ်ရင်းမှူးတို့က အပါးရုံးရှေ့ရောက် လာတော့ ချက်ချင်းရုံးခန်းတွေကထွက်ပြီး အလေးလာပြုကြပါတယ်။ ပြီးတော့အပါးမှာတာတွေ ဆောင်ရွက်ဖို့ နားထောင်ကြပါတယ်။ တပ်ရင်းရုံးနဲ့ အိမ်က မဝေးပါဘူး ကုန်းမို့မို့နဲ့ ဘေးချင်းယှဉ်ရက် ကုန်းအပေါ်ဖက်ကလမ်းလျှောက်ရုံ တ ဆက်ထဲပါ ။ သွားစရာရှိလို့သာကားစီးပြီးအရှေ့လမ်းမကြီးကနေ သွားတာပါ။ အပါးက တပ်ကအရာရှိတွေကို လေးလေးနက်နက် မှာနေတဲ့အချိန် အမိုးလည်း ဘေးနားမှာရှိနေပါတယ်။ အပါးစကားပြောနေတုန်းမှာဘဲ အမိုးက တစ်ခုခု ဝင်ပြောလိုက်တယ်လို့ထင်ပါတယ်။ အပါးကအမိုးကို အရာရှိတွေအားလုံးရှေ့မှာ ဟောက်ပါတော့တယ်။ မင်းအလုပ်မဟုတ်ဘူး မင်းဝင်မပြောနဲ့ ။ မင်းနဲ့ဘာမှမဆိုင်ဘူးဆိုပြီးအကျယ်ကြီးအော်ပါတယ်။ အိမ်ကနေ ကျွန်မတို့က ကြားလို့ ရုံးဖက်ကို ထွက်ကြည့် လိုက်တာ အပါးက အမိုးကို ဟောက်နေပြီး ကျန်တဲ့အရာရှိတွေကလည်း မျက်နှာသေလေးတွေနဲ့ လက်ကလေးတွေနောက်ပစ်ပြီး သက်သာအနေအထားနဲ့ ရှိနေပါတယ်။ တပ်ရင်းရုံးရှေ့လည်းဖြစ် အရာရှိတွေရှေ့လည်း ဖြစ်နေလို့ အမိုးအနေနဲ့ ရှက်သွားနိုင်ပေမယ့် ဘာမှဆက်မပြောတော့ပါဘူး။ အသံပိတ်ပြီး ငြိမ်ငြိမ် လေးဖြစ်သွားပါတယ်။ အပါးကိုပြန်အော်တာ ပြန်ခံပြောတာလုံးဝမရှိပါဘူး။ အပါးက မကျေမနပ်နဲ့ နည်းနည်းဆက်ပြီးဆူပါသေးတယ် ပြီးတော့ ငါကိစ္စတွေ ဝင်မပါနဲ့ကိုယ်နေရာကိုယ်နေ လို့ပြောပြီး အရာရှိတွေကို ဆက်ပြီးစကားပြောပါတယ်။ အိမ်ပြန်ရောက်တာတောင်အပါးမျက်နှာကစူပုပ်နေသေးတယ်။ အမိုးက မျက်နှာသေနဲ့ ဘာမှတော့ မပြောပါဘူး။ ညနေစောင်းရောက်တော့ ပြန်ပြီးတည့်သွားကြတာပါဘဲ။ လူတွေအားလုံးထင်ကြတာက အမိုးက အသံစွာစွာ စွာစွာ ဆိုတော့ အပါးကို နိုင်တယ်ဘဲထင်ကြတာပါ။ တကယ်တမ်းက စွာပြီး ကရင်ပီပီ ပွင့်လင်းအော်ဟစ်ပြောဆိုနေတာဘဲရှိတာပါ။ အပါးကို မနိုင်ပါဘူး။ တပ်ကအရာရှိကတော်တွေနဲ့အခြားဆင့်ကတော်တွေကိုသာ သူပြောလို့ရတာပါ။ သူတပ်ရင်းမှူးကတော် တုန်းက အိမ်ရှေ့တဲ့တဲ့ ကဓမ္မာရုံကြီးက လူအတော်စည်ပါတယ်။ အမိုးရဲ့ဆူသံ အော်ဟစ်သံတွေနဲ့ တစ်အိမ် တစ်ယောက်မလာမနေရ ပရိတ်ကြီး ၁၁ သုတ်နဲ့ ဓမ္မစင်္ကြာ ရွတ်ဖတ်ရပါတယ်။ အဲကာလ က ခလရ (၆) တပ်က တော်တော များများ ကလေးတွေကအစ ဘုရားစာရွတ်နိုင်ကြပါတယ်။ အမိုးက တပ်မ(၈၈) မှာ တပ်မမှူး ဘဘကြီးဦးထွန်းကြည် ကတော် မေမေနီ နဲ့ G2 ကတော် အနေနဲ့ အတူ စုံခဲ့ပြီးနောက် အဝတ်အစားကို ဘယ်သွားသွား ရင်ဖုံး လက်ရှည် ဘဲဝတ်ပါတော့တယ် ။ သီးသန့် တပ်အခမ်းအနား စည်းဝေး မှ ဝတ်တာမျိုးကို မဟုတ်ဘဲ အမြဲဝတ်တာပါ။ သူလက်အောက်က အရာရှိကတော်တွေမှာ သူထက်ပိုပြီးအကောင်းစားဝတ်နိုင် လက်ဝတ်လက်စားပိုဝတ်နိုင်ရင်လည်း သူက ဝမ်းသာပါတယ်။ သူကို အားနာစရာမလိုဘူး ဝတ်ချင်တာ ဝတ်ကြပါလို့ အမြဲပြောပါတယ်။ တခုဘဲ စိတ်မထင်ရင် ဆူတတ်ပါတယ် ။ နောက်ကျတာဘဲဖြစ်ဖြစ် သူခိုင်းတာအဆင်မပြေရင်ဘဲဖြစ်ဖြစ် အရမ်းဆူတတ်ပါတယ်။ သူဆူရင်မကြိုက်လို့ ဝင်ဝင်ပြောတတ်တဲ့ ကျွန်မနဲ့ ခဏခဏ စကားများပါတယ်။ အပါးရဲ့ တပ်ကိစ္စတွေ မှာတော့ဘာကိစ္စ မှဝင်မပါပါဘူး ။တပ်ကိစ္စ တွင်မကပါဘူး အပါးစည်ပင်ရောက်တော့လည်း အပါးရုံးကိစ္စတွေ အမိုးဘာမှမသိပါဘူး။ စည်ပင် နဲ့ပက်သက်တာလည်း တခါမှ ဘာမှမလုပ်ပေးဖူးဘူး။ အမိုးသိတာ မြို့တော်ဝန် အိမ်သွားမယ် အန်တီခင်နဲ့စကားတွေပြောမယ် ထမင်းစားမယ် အန်တီနဲ့အတူ တခြားဧည်ခံစရာ ပွဲတွေတက်မယ်။ တခြားအရာရှိကြီးကတော်တွေနဲ့ ပက်သက်တဲ့ ကိစ္စတွေ ပွဲလမ်းတွေ သွားမယ် အိမ်က လူတွေဆူမယ် 🤣😁။ လာကန်တော့သမျှ ဆန်ဆီ အသားတွေ သူများတွေကို ပြန်ချက်ကျွေးမယ်။ ဘုန်ကြီးကျောင်းတွေ လိုက်လှူမယ်။ ပါချုပ် ဘုန်ဘုန်းကြီး ကမ္ဘာအေး မှာစတင်သီတင်းသုံးကတည်းကနေစဉ် ဆွမ်းချိုင့် ပို့ခဲ့ပါတယ် ။ အမိုးအကြောင်းသိတဲ့ လူတချို့ဆို အမိုးကို အခုထိ အန်တီ မူလှူချင်ရာလှူ ဆိုပြီး မုန့်ဖိုးတွေခုထိ ပေးကြတုန်းပါဘဲ။ ကျွန်မ သိမြင်သလောက် ခင်မင်ရင်းနှီးတဲ့ အဆင့်မြင့်အရာရှိကြီးကတော်တွေမှာ ယောက်ကျားအလုပ် ဝင်မပါကြတာများပါတယ်။ ပါတဲ့လူလည်းတွေ့ဖူးပါတယ် လက်ချိုးရေလို့ရပါတယ်။ မပါတာများပါတယ်။ # နောက်အပိုင်းကို ထပ်တင်ပါမယ် #🌹🌹🌹🌹🌹🌹🌹🌹🌹🌹🌹🌹 - @user63335501