@ichkisen: Ba'zan namozning lazzatini his qildiradigan narsa uzundan-uzun gaplar emas. Avval e'tibor bermagan mayda narsani payqab qolib, namozga shu tuyg'u bilan turishning o'zi yetadi. Masalan, Fotihada nega «Faqat Senga ibodat qilaman» emas, «Faqat Senga ibodat qilamiz» deymiz? Shu haqda hech o'ylab ko'rganmisiz? Ruku'ga egilganimizda faqat belimiz emas, kibrimiz ham egiladi. Sajdada peshonamiz yerga tekkanda Robbimizga eng yaqin bo'lamiz. «Subhana Robbiyal a'la» deganda esa eng ulug' biz emas, Alloh ekanini yana bir bor tan olamiz. Bular namozning tashqi ko'rinishini o'zgartirmasligi mumkin. Lekin namoz o'qiyotgan qalbni o'zgartiradi. Bularni nega yozyapman? Hammamiz namozda yuz martalab aytadigan, lekin ma'nosi haqida to'xtab o'ylamagan bir nechta so'zga birga to'xtalib, his qilaylik, deb. Chunki namozni o'zgartirish uchun, ko'p ibodat qilish shart emas. Har kuni qilib yurgan ibodatimizdagi go'zallikni ko'ra bilishning o'zi yetadi. Robbim namozni ko'zimizga nur, qalbimizga orom qilsin va u bilan bizni O'ziga yaqin qilsin.

Ichki Sen | Psixologiya

Open In TikTok:

Region: UZ

Sunday 27 September 2026 05:31:24 GMT