@bizimyolinfo: Vətən müharibəsinin birinci günü: Altı ərazi işğaldan azad edildi Bu gün Vətən müharibəsinin başlanmasının 6-cı ildönümüdür. 27 sentyabr 2020-ci il Azərbaycanın işğal altındakı torpaqlarının azadlığı uğrunda başlayan 44 günlük müharibənin ilk günü və böyük Qələbəyə aparan dönüş nöqtəsi oldu. Azərbaycan Ordusunun əks-hücum əməliyyatları nəticəsində ilk gün Füzulinin Qaraxanbəyli, Qərvənd və Horadiz, Cəbrayılın Böyük Mərcanlı və Nüzgar kəndləri, eləcə də Kəlbəcərin Murovdağ zirvəsi işğaldan azad edildi. Müharibənin ilk günündə Ermənistanın dinc əhaliyə qarşı hücumları nəticəsində Naftalanda bir ailənin 5 üzvü həlak oldu. Azərbaycan Ordusu isə Vətən uğrunda mübarizədə şəhidlər və qazilər verdi. 27 sentyabr 2020-ci il Prezident İlham Əliyevin sərəncamı ilə ölkədə hər il Anım Günü kimi qeyd olunur. Bu tarix şəhidlərimizin əziz xatirəsinin yad edildiyi, xalqımızın Qələbəyə gedən yolunu xatırladığı gündür.
