@khun.lay.pay8: နီပအိုဝ်ႏငေါဝ်းတွိုင်ꩻ ___________________(အကွို့ꩻ- ၅) မုဲင်စဲဉ်ႏ ( (ဆ) ၁။ ဆꩻကီ နꩻ၊ ဆꩻလတတိုန်ႏ၊ အထာႏဝ ငွဉ်ႏ။ ၂။ ဆꩻချာဖဲ့ꩻလဲ့ တမွေးတောဝ်း၊ ဆꩻငါဖဲ့ꩻလဲ့ တမွေးတောဝ်း၊ အောဝ်ႏဝီးဝါးဒျာႏအခါႏ နုဲင်းတောင်းပွိုလား။ ၃။ ဆရာႏကျောင်ꩻ စွဲကမ်း၊ ဆရာႏလမ်း စွဲကို။ ၄။ ဆရာႏ ဖို့ꩻလိုꩻ၊ မုံꩻသိုꩻ ဖို့ꩻဖိုး။ ၅။ ဆရာႏခို ကြော့ꩻဖေႏကတူႏ၊ ဆရာႏမူႏ သွို့ꩻဖေႏပဒေ။ ၆။ ဆရာႏဟောဝ်မꩻ ဝင်ꩻဆယ်ꩻကပ်၊ အရပ်ဟောဝ်မꩻ ဝင်ꩻအုံခိုႏ၊ ပုဂ္ဂိုလ်ႏဟောဝ်မꩻ ဝင်ꩻအုံထေ့၊ သေင်ႏဟေ့ꩻဟောဝ်မꩻ ဝင်ꩻအုံကွူႏ၊ ထီစုရျူုံမꩻ ဝင်ꩻအွꩻလူး၊ တဖူꩻစွဉ်ႏမꩻ ဝင်ꩻထွေထောင်၊ သီႏလငတ်ဗောင် အွဉ်ႏခြꩻနမ်း၊ အထောက်အကမ်းဆရာႏဂိုဏ်ႏ။ ၇။ ဆရာႏထာꩻကျမ်ႏ တကာႏကံႏ။ ၈။ ဆရာႏအာ တယ်ႏဖရာꩻခါ ထွူယိုꩻ။ ၉။ ဆရာႏအာ လိုꩻဆာသီ။ ၁၀။ ဆာႏဗွေမို့ꩻ တထွꩻတောဝ်း မွူးတွမ်ႏလာ၊ ဖူးဝေးအာလဲ့ တထွꩻတောဝ်း တမာဝါꩻ။ ၁၁။ ဆာႏရောင်ႏနောဝ်ꩻ တထွꩻလာ၊ ဆာႏရောင်ႏဗွာနောဝ်ꩻ တထွꩻတောဝ်းမွူး ၁၂။ ဆေ့ꩻတတျာ အာအကွို့ꩻ။ ၁၃။ ဆုဲင်ꩻဆုဲင်ꩻနောဝ်ꩻ မာꩻနုဲင်းမုဲင်ꩻလိုႏ။ ၁၄။ ဆုဲင်ꩻမꩻသေ၊ ဆေမꩻသုဲင်ꩻ။ ၁၅။ ဆို့ꩻအလက်ꩻ ဗက်ꩻအမဉ်ꩻ။ ၁၆။ ဆို့ꩻသေꩻလက်ꩻမꩻ လွစ်သောင်၊ ခူႏသေꩻထာꩻအောင်မꩻ လွစ်အွို့ꩻ။ ၁၇။ ဆုံဆို့ꩻ ဒဲဉ်သီႏ၊ ထထီႏဆို့ꩻ ဒဲဉ်ဟား။ ၁၈။ ဆင်ထီးတွူး ဆင်မွူးလွေꩻလွဉ်ꩻ။ ၁၉။ ဆင်ꩻထွို့ꩻယိုꩻ လိုꩻထွို့ꩻယပ်ꩻ။ ၂၀။ ဆင်ထွိုင်ႏယိုꩻ လိုꩻထွိုင်ႏယပ်ꩻ။ ၂၁။ ဆင်ယွောင် တထွꩻတောဝ်းပနား။ ၂၂။ ဆဲင်ꩻထုံꩻပေႏ အောဝ်ႏထိုလဲဉ်းက ဆဲင်ထုံꩻတန်။ ၂၃။ ဆျာဗေင်ႏလဲ့ ထွꩻတဗေင်ႏတောဝ်း။ ၂၄။ ဆျာမီꩻယာႏ အွီႏထဲင်းဒျာႏ ဆျာလမ်း။ ၂၅။ ဆျာမီꩻ အုံသေင်ႏခမ်း၊ ဆျာလမ်း ဖဉ်းဒျာႏဒုံ။ ၂၆။ ဆျာသီးအမျိုꩻ ထိုမ်ႏအံႏကွို့ꩻလမ်းခါႏ၊ စောက်အာႏသီးအမျိုꩻ ထိုမ်ႏအံႏဗာႏ ညာꩻဆွဉ်း။ ၂၇။ ဆျာမီꩻတွမ်ႏဆျာလမ်း ငေါဝ်းအူႏပီ၊ ငေါဝ်းငွါဒေါ့ꩻရီ တလီꩻခွဲ။ ၂၈။ ဆွန်ꩻဝင်ꩻစူ ထုဲင်ႏဗေသွီႏ၊ စွီႏဝင်ꩻစူ ထုဲင်ႏဗေယွဉ်ꩻ။ ၂၉။ ဆွဉ်းယာ ကွို့ꩻအလူး၊ အိုမ်ပြူး ကွို့ꩻအထီ၊ ဒေါ့ꩻရီဝင်ꩻ လꩻထာꩻသေ။ ၃၀။ ဆဲင်ꩻလို့နမ်းလောင်း ဒဲဉ်အံႏကြောင်းဟို့ꩻကို။ #တွမ်ႏသꩻရက်လိတ်လုဲင်ꩻတဲင်/ ခွန်စော့ꩻလာႏဗန်

ပျူမင်ꩻသာꩻ

Open In TikTok:

Region: MM

Sunday 27 September 2026 11:43:34 GMT