@rcx3i: أحبك جد — علي عبدالله «بس اسمعني وافهمني» هني اهو مو قاعد يطلب منها شي كبير… اهو بس يبيها توقف شوي وتسمعه. لأن مرات الشخص لما يحس إن الطرف الثاني فهمه غلط، ما يبي يبرر ولا يطوّل بالكلام، يبي بس فرصة وحدة يقول فيها اللي بقلبه من غير ما ينحكم عليه. كأنه يقول لها: لا تحكمين على إحساسي من موقف، ولا تفسرين سكوتي بطريقة ثانية… اسمعيني أول، وبعدها حكمي. 💔 «أنا والله أحبك جد» هني كل الكلام يختصر. مو «يمكن»، مو «أظن»، ومو كلام ينقال عشان يرضيها للحظة… اهو يحاول يوصل لها إن مشاعره عنده شي حقيقي. وكلمة «والله» تعطي إحساس إنه يحلف لها من كثر ما اهو محتاجها تصدقه. كأنه وصل لمرحلة ما عاد عنده طريقة ثانية يثبت فيها اللي داخله، فصار يقول لها: صدقيني… أنا أحبج، ومن صجي. والأوجع إن مرات الشخص ما يكون ناقصه حب… يكون ناقصه إن الطرف الثاني يصدقه. وهني تحديدًا تحس إن كل اللي يبيه مو إنه يكسب نقاش، ولا يطلع صح… كل اللي يبيه إنها تفهم إن قلبه كان صادق. معنى الأغنية ك كل: الأغنية تعطي إحساس شخص قاعد يحاول يوصل مشاعره لشخص يمكن صار عنده شك أو تردد. مو حب خفيف ينقال وينتهي، لا… حب يخليه يتمسك بكلمة «اسمعني» قبل أي شي ثاني. وأحيانًا أقسى شي بالعلاقة مو إن الحب ينتهي… الأقسى إنك تحب من قلب، والطرف الثاني مو قادر يصدق شكثر أنت صادق. فكأن الأغنية كلها رسالة منه لها: أنا ما أبي منج شي مستحيل… أبيج بس تفهمين قلبي مثل ما اهو، مو مثل ما تخيلتيه. #foryou #explorer #viral #fypシ゚ً #kwt
