@davekhc1: አንዳንድ ጊዜ ትልቁ በረከት እግዚአብሔር እሺ ብሎ የሰጠን ብቻ ሳይሆን አይሆንም ብሎ የከለከለን ነገር መሆኑን ማስተዋል ጠቢብ መሆን ነው። ሕይወት በምንፈልገውና በምናቅደው መንገድ ብቻ ስትሄድ አንዴም እንኳ ቆመን አንመለከትም። ነገር ግን የምንመኘው፣ የደከምንለትና እንዲሆን በፍጹም ፍላጎት የጸለይንበት ነገር "አይሆንም" ሲባል ወይም ሲዘጋብን ማዘናችንና ግራ መጋባታችን አይቀሬ ነው። . ነገር ግን ጊዜ አልፎ ወደኋላ ዘወር ብለን ስንመለከት ያን ጊዜ የተዘጋው ደጅ 👉ትልቅ መለኮታዊ ጥበቃ እንደነበር እንረዳለን። ያልተሳካው መንገድ 👉 ከትልቅ ውድቀትና ማረፍቻ ከሌለው መዳረሻ ጠብቆናል:: ያጣነው እድል👉 ለእኛ ካልተዘጋጀ ሕመምና ጭንቀት ብቻ ይዞብን ከሚመጣ ጨቋኝ ክስተት ታድጎናል። ያልተሳካው ግንኙነት👉 ከጊዜያዊ ደስታ ይልቅ ከዘላቂ እውነተኛ ሰላም ጋር እንድንገናኝ መንገድ ጠርጎልናል። እግዚአብሔር ሲከለክለን ስለሚጠላን ሳይሆን ከእኛ በላይ ነገንና የሕይወታችንን ፍጻሜ አጥርቶ ስለሚያይ ነው። እኛ የዛሬውን ፍላጎታችንን ብቻ ስናይ፣ እርሱ ግን የነገውን ሰላማችንንና ደህንነታችንን ይመለከታል። ጌታ ያልፈቀደልን ነገር ሁሉ የተሻለና የበለጠ ነገር እጁ ላይ ስላለ ነው። ለሰጠኸን ብቻ ሳይሆን ለከለከልከን አባት በመሆንህ የእኛን ግዜያዊ እና አጫጭር ምኞቶች ሰብረህ የአንተን ዘላቂና መልካም ፈቃድ ስላከናወንክልን በወቅቱ ባይገባንም ከእኛ አላስፈላጊ ፍላጎትና ስህተት በ "አይሆንም" መልስህ ስላዳንከን ጌታ ሆይ ስለ ከለከልከንና ስላልፈቀድክልንም ከልብ እናመሰግናለን! ይህንን መዝሙር በዚህ መንገድ ለነፍሴ ትጎነጨው ዘንድ እጋብዛታለሁ😍 ዘማሪዋ ብሩክ ነሽ @Nuhamin Teferi

Revelation

Open In TikTok:

Region: ET

Sunday 27 September 2026 15:36:03 GMT