@amara_clinic: အယ်နီညို အရှိန်ကြောင့် အပူချိန်လွန်ကဲခြင်း၊ မိုးခေါင်ရေရှားခြင်းနှင့် အပူကြောင့်ဖြစ်သည့် ကျန်းမာရေးပြဿနာများ ပိုမိုဖြစ်ပွားနိုင်ပါသည်။ သင့်မိသားစုနှင့် ပတ်ဝန်းကျင် ကျန်းမာရေးအတွက် အောက်ပါအတိုင်း ကြိုတင်ပြင်ဆင်ပါ- ၁။ အပူဒဏ်ကြောင့်ဖြစ်သည့် ရောဂါများ သတိပြုပါ အပူရှပ်ခြင်း (Heat Stroke) ၏ လက္ခဏာများ: ခန္ဓာကိုယ်အပူချိန် လွန်ကဲစွာ မြင့်တက်ခြင်း၊ ချွေးမထွက်တော့ခြင်း၊ ခေါင်းမူးခေါင်းကိုက်ခြင်း၊ သတိလစ်ခြင်း။ ကြိုတင်ကာကွယ်ရန်: နေ့လယ် ၁၁ နာရီမှ ညနေ ၄ နာရီအတွင်း နေပူထဲ ထွက်ခြင်းမှ ရှောင်ကြဉ်ပါ။ အပြင်ထွက်ပါက ထီး၊ ဦးထုပ် စောင်းပါ၊ ပေါ့ပါးသော အဝတ်အစား ဝတ်ဆင်ပါ။ ၂။ ရေနှင့် သောက်သုံးရေ စနစ်တကျ သုံးစွဲပါ တစ်နေ့လျှင် ရေ အနည်းဆုံး (၂) လီတာမှ (၃) လီတာအထိ ပုံမှန်သောက်ပါ။ရေဆာမှ ရေသောက်ခြင်းမျိုး မဟုတ်ဘဲ နာရီဝက်/တစ်နာရီခြား ရေမှန်မှန်သောက်ပေးပါ။မသန့်ရှင်းသော ရေကြောင့် ဝမ်းပျက်၊ ဝမ်းလျှော၊ ဝမ်းကိုက်ရောဂါများ သတိပြုရန် ရေကို ကျိုချက်သောက်သုံးပါ သို့မဟုတ် ရေသန့်ကိုသာ သုံးစွဲပါ။ ၃။ စားသောက်ကုန် သန့်ရှင်းရေး အပူချိန်မြင့်မားချိန်တွင် အစားအသောက်များ လွယ်ကူစွာ သိုးသိုးမှိုတက်နိုင်သဖြင့် ပူပူနွေးနွေး ချက်ပြုတ်ထားသည်များကိုသာ စားသုံးပါ။ ယင်ကောင်မနားအောင် ဖုံးအုပ်ထားပါ၊ လမ်းဘေး မသန့်ရှင်းသော အစားအစာများကို ရှောင်ကြဉ်ပါ။ ၄။ အိမ်တွင်း ဆေးဝါးများနှင့် ပစ္စည်းများ စုဆောင်းထားပါ ဓါတ်ဆားရည် (ORS): ဝမ်းပျက်ဝမ်းလျှောခြင်း သို့မဟုတ် အပူကြောင့် အားနည်းခြင်းအတွက် အလွယ်တကူ အသုံးပြုနိုင်ရန်။ သောက်သုံးနေကျ ဆေးဝါးများ: သွေးတိုး၊ ဆီးချိုနှင့် နာတာရှည်ရောဂါသည်များအတွက် လိုအပ်သော ဆေးဝါးများ ကြိုတင်စုဆောင်းထားပါ။ (အပူဒဏ်ကြောင့် အသက်ကြီးသူများ ပိုမိုထိခိုက်လွယ်ပါသည်) ⚠️ အရေးပေါ် အကူအညီ လိုအပ်ပါက အပူရှပ်ခံရသူ၊ သတိလစ်သူ သို့မဟုတ် ပြင်းထန်စွာ ဝမ်းလျှောနေသူများတွေ့ရှိပါက ဆရာဝန်/ကျန်းမာရေးဌာနသို့ ချက်ချင်း ပြသပါ။ #amaraclinic #elnino #heatstroke #healthtip #painfulcramps

အမရာ ဆေးခန်း

Open In TikTok:

Region: MM

Sunday 27 September 2026 16:22:15 GMT