بمناسبة روني واللايف العملتو امبارح وهي بتبكي بسبب تعلقها بـ إبراهيم اتذكرت مرة واحد كان بتكلم معاي وقال لي عايز أسألك سؤال واحد بس قال لي: البني آدم أو الشي الإنت متعلق بيهو دا ضامن وجودو؟ قلت ليهو: أكيد لا قال لي طيب لمن ربنا قال ما تتعلق بحاجة غيري ليه؟ لأنو ربنا عالم بكل حاجة وعارف الحاجة الإنت متعلق بيها دي ممكن توصلك لي وين وصدقني قدر ما جريت ورا زول وقدر ما حس إنك مضمون عندو ممكن يبهدلك ويمسح بيك الأرض لأنو ببساطة عارف إنك مهما عمل فيك ومهما وجعك ح ترجع ليهو مدردق تاني والبلدي بتاعنا شنو؟ ح يتفسح فيك تتعلق بحاجة وتديها من قلبك كلّو وتبني في خيالك مستقبل كامل عليها وفي النهاية ممكن تصحى تلقى الحاجة دي كلها زالت وهنا السؤال إنت ليه أصلًا بترسم حاجة في خيالك وبتربط سعادتك وراحتك ووجودك بإنسان ما ضامن وجودو معاك؟ في كلام مشهور بيتنسب للأمام الشافعي: ومعناه عميق شديد لمن قلب إبراهيم اتعلّق بإسماعيل ربنا ابتلاه في الحاجة البحبها وأمره يذبحو ولمن قلب يعقوب اتعلّق بيوسف ربنا أخد يوسف منو فترة وكأنو أحيانًا ربنا بيمتحن الإنسان في الحاجة البتكون أقرب حاجة لقلبو المعنى البفهمو أنا من الكلام دا إنو لما حاجة في الدنيا تاخد مكان أكبر من مكانها في قلبك، ممكن فقدانها يكون الوجع البصحيك من التعلّق ذاته ويرجع قلبك لربنا عشان كدا خليك واعي التعلق الزايد ما حب بس مرات التعلق بيكون إنك بتدي زول سلطة كاملة على مزاجك وراحتك ونفسيتك وبتخلي سعادتك مربوطة بوجودو والحقيقة الموجعة إنك وانت متعلق بالشكل دا، ممكن تكون بتقتل في نفسك كل يوم بتنتظر رسالة بتفتش عن اهتمام بتراقب تصرفاتو بتبرر غيابو وبتتمسك بأمل يمكن هو ذاتو ما متمسك بيهو عشان كدا ارحم نفسك شوية ما كل زول حبيتو مكتوب ليك وما كل حاجة تمنيتها لازم تكون نهايتها معاك وأحيانًا أصعب درس في الحياة إنك تتعلم تطلع من المكان البوجعك حتى لو قلبك لسه متعلق بيهو __________________ وخليكم من موضوع هو عندو ليها شي ولا ما عندو ليها شي شوفو هي وصلت وين بسبب التعلق دا لو ما قادرين تطيبو خاطرها بكلمة على الأقل ما تستهترو بوجعها #sudanese_tiktok #tiktokviral #loveyou #حب #الشعب_الصيني_ماله_حل😂😂😂 - @twis_ta5