@hesabatinfo: Şəhidlik – Vətənə yazılan əbədi and.. 27 Sentyabr – Anım Günü xalqımızın yaddaşında Vətən uğrunda canından keçən qəhrəman övladlarımızın müqəddəs xatirəsinə ehtiram günüdür. Şəhidlik sadəcə bir ölüm deyil. Şəhidlik Vətən üçün verilən ən böyük fədakarlıq, gələcək nəsillərə əmanət edilən müqəddəs bir addır. Şəhidlər öz canları ilə bizə torpağın, bayrağın və azadlığın qiymətini göstərdilər. Amma hər bir şəhidin arxasında bir ana, bir ata, övladının yolunu gözləyən bir ailə dayanır. Şəhid anasının göz yaşında həm sonsuz həsrət, həm də qürur var. Şəhid atası isə ürəyində daşıdığı ağır dərdlə yanaşı, Vətənə layiqli övlad böyütməyin qürurunu yaşayır. Bu müqəddəs gündə şəhidlərimizin ruhunu dərin ehtiramla yad edir, onların ailələrinin qarşısında baş əyirəm. Allah bütün şəhidlərimizə rəhmət eləsin, məkanlarını cənnət etsin. Onların əziz xatirəsi xalqımızın qəlbində daim yaşayacaq. Başınız sağ olsun, əziz şəhid ailələri.
Şəhidlər ölməz, Vətən bölünməz! İctimai Xadim
Hacı Rahim İsmayılov

Hesabat İnfo

Open In TikTok:

Region: AZ

Sunday 27 September 2026 16:40:34 GMT